زہیر بن قین
| زہیر ابن قین بحلی زهیر ابن قین البجلی | |
|---|---|
| مقام پیدائش |
|
| وفات | 10 اکتوبر 680 |
| شہریت |  عراق
|
| نسل | عراقی عرب |
| مذہب | اسلام |
| عملی زندگی | |
| وجہ شہرت | کربلا چ یزیدی فوجاں نال لڑائی |
| مخالف | یزید تے یزیدی فوجاں |
ترمیم  | |
زُهِیر بن قین بجلی امام حسین ابن علی دے طرفداراں وچوں سن تے امام دے نال یزیدی فوجاں نال لڑدےہوئے کربلا چ شہید ہوئے ۔
زهیر بن قین بن قیس انماری بجلی کوفہ دے رہن والے سن. [۱]
آپ قبیلہ بجیلہ دے وڈۓآں وچوں سن تے شہر کوفہ دے شریف تے شجاع مرداں وچوں سن ۔ . [۲] زهیر شروع وچ عثمان دے طرفدار سن ۔ پر سال ۶۰ هجری چ حج توں اپنے ٹبر نال واپس آندے ہوئے راستے چ امام حسین نال ملاقات ہو گئی تے فیر آپ امام دے عقیدت مند ہوگئے تے امام حسین نال ای کربلا آئے ۔
زہیر ابن قین کربلا دی لڑائی چ حصہ لین دی وجہ توں مشہور اے ۔ اے حقیقت دے باوجود کا اوہ حسین ابن علی نال گل بات نئیں کرنا چاہندے سن پر جدوں اینہان دا قبیلہ امام دےاصحاب نال ملیا تے آپ دی بیوی نے آپ نوں امام نال گل کرن دا آکھیا ۔ [۳]
امام نال ملاقات دے بعد زہیر نے اپنی بیوی نوں طلاق دے دتی تے یزید دی فوج دے خلاف امام دی فوج چ شامل ہوگئے ۔[۴][۵]
کربلا چ[سودھو]
عاشورہ دی صبح آپ نے امام حسین ابن علی نوں صلاح دتی کہ:ہن اینہاں لوکاں نال لڑنا آسان اے بجائے اوہناں دے جہڑے انہاں دے بعد ساڈے نال لڑن آن گے ۔ امام نے جواب دتا : میں انہاں خلاف جنگ نئیں شروع کراں گا."[۶] جنگ چ حسینی فوج دے میمنہ دے سردار زہیر ابن قین سن۔.[۷]
زهیر سپاه حسین دے کمانڈراں وچوں سن تے روز عاشورا حسینی فوج دے میمنہ (سجے پاسے) دی کمان اوہناں کول سی . اوہناں چند وار یزیدی فوجیاںن نوں نصیحت کیتے امام دا ساتھ دین دا آکھیا . زهیر سعید بن عبدالله حَنَفی نال ظہر دی نماز ویلے امام برابر کھڑے ہوئے تے تیر تے نیزے اپنے جسم اتے روکے تے امام نے اصحاب نال نماز پڑھی تے نماز مگروں زہیر دوجی وار عازم میدان جنگ ہوئے تے کثیر بن عبدالله شَعبی و مهاجر بن اُوس تَمیمی ہتھوں شہید ہوئے جنہاں وچوں اک نے اگوں تے اک نے پچھوں نیزے نال وار کیتا سی . زهیر نے ۳۲۰ یزیدی فوجیاں نوں قتل کیتا ۔
ہور ویکھو[سودھو]
حوالے[سودھو]
- ↑ تنقیح المقال ج۱، ص۴۵۲-۴۵۳.
- ↑ سماوی، محمد، إبصارالعین فی أنصار الحسین(ع)، ص۱۶۱.
- ↑ L. Clarke (1 January 2001). Shi'ite Heritage: Essays on Classical and Modern Traditions. Global Academic Publishing, 58. ISBN 978-1-58684-066-2.
- ↑ Mahmoud M. Ayoub (1 January 1978). Redemptive Suffering in Islam: A Study of the Devotional Aspects of Ashura in Twelver Shi'ism. Walter de Gruyter, 108–. ISBN 978-3-11-080331-0.
- ↑ I. K. A. Howard (1990). The History of al-Tabari Vol. 19: The Caliphate of Yazid b. Mu'awiyah A.D. 680-683/A.H. 60-64. SUNY Press, 80–86. ISBN 978-0-7914-0040-1.
- ↑ Bashir A. Datoo (2006). Perspectives on Islamic Faith and History: A Collection of Analytical Essays. TTQ, INC., 103. ISBN 978-1-879402-17-1.
- ↑ Farhad Daftary (24 April 1992). The Isma'ilis: Their History and Doctrines. Cambridge University Press, 50. ISBN 978-0-521-42974-0.
دانشنامه رشد http://daneshnameh.roshd.ir/
| ||||||||||||||||||