مقبرہ علی مردان خان

مقبرہ علی مردان خان Tomb of Ali Mardan Khan
View of the tomb from the gateway
وچ
عمومی معلومات
قسم	مقبرہ
معماری طرز	مغل
مقام	لہور، پنجاب پاکستان
متناسقات	31.5738°N 74.3633°E / 31.5738; 74.3633
تکمیل	1630s

علی مردان خان دا مقبرہ، پنجاب، پاکستان دے شہر لہور وچ مغل دور دا اک مقبرہ اے جو 1630ء دی دہائی وچ بݨایا گیا سی۔

پچھوکڑ

علی مردان خان اک کرد سی جیہنے مغل دربار میں جاݨ توں پہلاں سِبھ توں پہلے فارسی صفوی حکمران شاہ صفی دے دربار وچ کَم کیتا۔ مقبرہ آکٹونل پلان دا اے۔

اوہ انجینئرنگ دے کماں، خاص طور تے نہراں دی تعمیر دے انتظام وچ تجربا کار سی تے پنجاب وچ مغل علاقیاں وچ بہت سارے وڈے منصوبےآں اُتے کام کیتا۔ اوہنوں 1639ء وچ کشمیر، لہور تے کابل دا گورنر مقرر کیتا گیا۔ اوہ کشمیر جاندے ہوئے 1657ء وچ انتقال کر گئے۔

اگرچہ علی مردان اک انجینئر تے درباری سی لیکن اوہ مقامی طور تے ایک قابل ذکر روحانی شخصیت دے طور تے جاݨے جاندے سی تے مقامی لوک اس مقبرے نوں علی مردان خان دا دربار کہندے نیں۔ قبر زمینی سطح توں تھلے اک کوٹھڑی وچ اے، جس تک پوڑیاں دے ذریعے رسائی حاصل کیتی جاندی اے تے ایہنوں زائرین اس طرحاں سجاؤندے نیں جِداں ایہ کسے روحانی شخصیت دا مزار اے۔

آرکیٹیکچر

مقبرہ ہُݨ نیم کھنڈر حالت وچ اے، ایہدی آرائش دا فقدان اے حالانکہ مرکزی ڈھانچا برقرار اے۔ ایہ اِٹاں ناݪ تعمیر ہویا اے۔ ایہدا گنبد 42 فٹ (13 میٹر) قطر وچ اے جیہدے اُتے اک آکٹونل ڈرم اے جیہدے ہر طرف ایوان نیں۔ ڈھول دی چوٹی دے ارد گرد کھوکھے نیں۔ مقبرہ اک آکٹونل پوڈیئم اُتے کھڑا اے جیہدی ہر طرف 58 فٹ (18 میٹر) کنارے اُپر اے۔ ایہ اصل وچ پتھر دے چہرے (stone facings)، کاشی کاری تے فریسکو پینٹنگز ناݪ سجایا گیا، جیہناں دے کچھ نشان قبر اُتے باقی نیں۔ دو منزلہ گیٹ ہاؤس نے اپݨی سجاوٹ نوں برقرار رکھیا اے۔

تحفظ

مقبرہ ریلوے دی املاک ناݪ گھریا ہویا اے تے مغل پورہ روڈ تے واقع اے جو گرینڈ ٹرنک روڈ توں سجے پاسے آ۔ سڑک اُتے ریلوے ٹریک دے کوݪ اک سائن بورڈ اے جیہدے اُتے "MET-1" لکھیا ہویا اے، جیہدے اگے اوہ پھاٹک اے جیہدے توں گزرن واݪے رستے توں لوک مقبرے تک پہنچ سکدے نیں۔

تصویر گیلری

• 
• 
• 
• 
• 
• 

حوالے