شن راجٹبر

آزاد انسائیکلوپیڈیا، وکیپیڈیا توں
شن راج دے دوران وانگ منگ نے چاکُو - نما سکے جاری کیتے جو مشہور ہن

شن راج ٹبر جاں خاندان ( چینی : 新朝 , شن چاؤ ؛ انگریزی : Xin Dynasty ) پرانے چین دا اک شاہی خاندان سی جنھے چین وچّ 9 عیسوی توں 23 عیسوی تکّ بوہت تھوڑا چر راج کیتا ۔ اسنوں راجٹبر تاں کیہا جاندا ہے لیکن اسوچّ بادشاہ صرف اک ہی سی ۔ ایہہ ہان راجٹبر دے ویلے ( 206 ق م توں 220 عیسوی ) دے وچّ وچّ آیا ۔ اس توں پہلاں دے ہان ویلے نوں لہندا ہان راجٹبر کیہا جاندا ہے اتے اسدے بعد دے ہان ویلے نوں چڑھدا ہان راجٹبر کیہا جاندا ہے ۔ 

شن راج ٹبر دا اکلوتا بادشاہ وانگ منگ ( 王莽 , Wang Mang ) سی ۔ لہندے ہان دی راج ماں ، مہارانی وانگ جھینگجن ( 王政君 , Wang Zhengjun ) وانگ پروار توں آئی سی اتے اسدا ویاہ ہان راجپروار وچّ ہویا سی ۔ وانگ منگ اسی دا بھنیوا سی اتے وانگ پروار دا سی ۔ اسنے اس تعلق دا فائدہ چکیا اتے سلطنت ہڑپ لئی ۔ سنّ 9 عیسوی نوں اسنے آپ نوں بادشاہ اعلان کر دتا ۔ انج تاں اوہ اک چتر ودوان سی لیکن راج قابو رکھنا اسدی اہلیت ولوں باہر سی ۔ اک کساناں دی بغاوت بھڑک گئی اتے مخالفاں نے 23 عیسوی وچّ راجگڑھ چنگان اتے گھیرا پا دتا ۔ اس جھڑپ وچّ اوہ ماریا گیا اتے اسدا شن راجٹبر اوتھے ہی ختم ہو گیا ۔ ہان راجٹبر پھر توں تخت اتے بحال ہو گیا ۔ [۱]

ایہہ وی ویکھو[سودھو]

حوالے[سودھو]

  1. China: A History: From Neolithic Cultures Through the Great Qing Empire, 10,000 BCE - 1799 CE, Harold M. Tanner, Hackett Publishing, 2010, ISBN 978-1-60384-202-0, ... Wang Mang's Xin Dynasty ... The fact that Wang Mang (45 BCE–23 CE) was able to take possession of the throne demonstrates both the power of imperial wives and mothers in the Han court ...

باہرلے جوڑ[سودھو]