پوٹھوہاری

پنجابی بولیاں دا نقشہ

پوٹھوہاری پنجابی دی اک پڑبولی اے جیہڑی تحصیل گجر خان تے آزاد کشمیر وچ بولی جاندی اے ۔ پوٹھوہاری نون ورتن والے برطانیا وچ وی ہیگے نیں ۔

اک شعر

ضمیر حعفری دے نانا دا اک شعر

ہوسی اوہ جو آپ کریسیں اے دنیا دے چالے - کون کسے دیاں کنداں لمبے کیہڑا دیوے بالے

ماجھی نال نکھیڑا

• پوٹھواری چ فعل نوں ضمیر نال ملا دتا جاندا اے۔ ادھارانں: آکھیاس (اونے آکھیا)، آکھیا (میں آکھیا)، آکھیاۓ (اساں آکھیا)۔
• پوٹھواری چ 'او' دی تھان 'اے' ورتیا جاندا اے۔ جنویں چوڑا دی تھاں چیڑا، سونا دی تھاں سینا۔

٭ ماجھی یا پنجابی دے جناں بولاںدے مڈ تے 'ا' یا 'آ' آندے نیں پوٹھاری چ اونان نون ہ چ پلٹ دتا جاندا اے۔ ادھارن: اک، ہک۔

• پوٹھواری بولن والے اتلے تھاوان چ "چھ" نوں "ش" وچ پلٹ دتا جاندا اے ۔ ادھارن: اچھنا توں اشنا، گچھنا تون گشنا ۔

پوٹھواری دے لیکھک

• باقی صدیقی (1972 - 1909) اصل ناں قاضی محمد افضل، سہام، تصیل ٹیکسلا ضلع راولپنڈی اچ جمے۔ باقی صدیقی نون پوٹھوہاری پہلا دیوان والا شاعر منیا جاندا اے۔ اوہناں دی پوتھی 'کخے کعڑے' 1967 چ چھپی۔ اوہناں دا ہک شعر:

بچے جیہا پھل ناں ڈٹھا - جناں کچا اوہنان مٹھا

افضل پرویز

افضل پرویز (2000 - 1917) پوٹھوہاری دے شاعر، صحافی، موسیقار تے کھوجی سن۔ پوٹھوہاری لوک گیتاں تے لوک ناچ تے اوناں دی کتاب 'بن پھلواری' 1973 چ چھپی۔ اوناں دی پنجابی شاعری دی کتاب 'ککراں دی چھاں' 1971 چ چھپی۔

• اختر امام رضوی
• سلطان ظہور اختر
• دلپزیر شاد
• عبدالقادر قادری

پنجابی نال موازنہ

انگریزی	پوٹھواری			پنجابی
	نقل حرفی	شاہ مکھی	گرمکھی	نقل حرفی	شاہ مکھی	گرمکھی
I will do	Mãi karsā̃	مَیں کرساں	ਮੈਂ ਕਰਸਾਂ	Mãi karāngā	مَیں کرانگا	ਮੈਂ ਕਰਾਂਗਾ
We will do	Asā̃ karsā̃	اَساں کرساں	ਅਸਾਂ ਕਰਸਾਂ	Asī̃ karānge	اَسِیں کرانگے	ਅਸੀਂ ਕਰਾਂਗੇ
You will do (s)	Tū̃ karsãi	تُوں کرسَیں	ਤੂੰ ਕਰਸੈਂ	Tū̃ karengā	تُوں کریں گا	ਤੂੰ ਕਰੇਂਗਾ
You will do (p)	Tusā̃ karso	تُساں کرسو	ਤੁਸਾਂ ਕਰਸੋ	Tusī̃ karoge	تُسِیں کروگے	ਤੁਸੀਂ ਕਰੋਗੇ
He/She will do	Ó karsi	اوه کَرسی	ਓਹ ਕਰਸੀ	Ó karega	اوه کرے گا	ਓਹ ਕਰੇਗਾ
They will do	Ó karsan	اوہ کرسن	ਓਹ ਕਰਸਨ	Ó karaṇge	اوه کرݨ گے	ਓਹ ਕਰਣਗੇ

سوالیہ لفظ

انگریزی	پوٹھواری	جاٹکی	پنجابی
Why	کِیاں ਕੀਆਂ	کیوں ਕਿਓਂ	کیوں ਕਿਓਂ
Where	کُتھّے / کُدھّر ਕੁੱਥੇ / ਕੁੱਧਰ	کِتھّے / کِدّے ਕਿੱਥੇ / ਕਿੱਦੇ	کِتھّے ਕਿੱਥੇ
Who	کُن ਕੁਣ	کَون ਕੌਣ	کَون ਕੌਣ
What?	کے؟ ਕੇ	کے / کیہ ਕੇ / ਕੀ	کیہ ਕੀ

ملکیت واسطے اسم ضمیر

انگریزی	پوٹھوہاری		جاٹکی				ہندکو
			Jhangvi/Shahpuri		Dhanni
	شاہ مکھی	گر مکھی	شاہ مکھی	گر مکھی	شاہ مکھی	گر مکھی	شاہ مکھی	گر مکھی
Mine	مہاڑا	ਮਹਾੜਾ	میرا	ਮੇਰਾ	مَینڈھا	ਮੈਂਢਾ	مڑھا	ਮੜ੍ਹਾ
Yours (sing.)	تَہاڑا	ਤਹਾੜਾ	تیرا	ਤੇਰਾ	تَینڈھا	ਤੈਂਢਾ	تُڑھا	ਤੁੜ੍ਹਾ
Yours (plural.)	تُساں نا	ਤੁਸਾਂ ਨਾ	تُہاڈا	ਤੁਹਾਡਾ	تُساڈا / تُساں دا	ਤੁਸਾਡਾ / ਤੁਸਾਂ ਦਾ	تُساں دا	ਤੁਸਾਂ ਦਾ
Ours	اساں نا / ساہڑا	ਅਸਾਂ ਨਾ / ਸਾਹੜਾ	ساڈا	ਸਾਡਾ	اساڈا / اساں دا	ਅਸਾਡਾ / ਅਸਾਂ ਦਾ	اساں دا	ਅਸਾਂ ਦਾ

ہور دیکھو

• پنجابی دے لہجے
• لہندی تے چڑھدی پنجابی
• ملتانی دا قندھاری لہجہ
• دیپالپور دا لہجہ
• شاہ پوری لہجہ
• سرائیکی
• پنجابی چ پہلی وار
• چوکھے ورتے جان والے پنجابی بول
• پنجابی اردو انگریزی بول

باہرلے جوڑے

• Pahari Language Textbook for Class2
• Pahari Language Textbook for Class3
• Pahari Language Textbook for Class4
• Pahari Language Textbook for Class5
• Pahari Language Textbook for Class6
• Pahari Language Textbook for Class8 (Part A)
• Pahari Language Textbook for Class8 (Part B)

https://incubator.wikimedia.org/wiki/Wp/phr

 · پاکستان دیاں بولیاں

پنجابی · انگریزی · اردو · کشمیری · کھوار · گجراتی · پشتو · سندھی · شینا · بلوچی · بلتی · لداخی · براہوی · بروشسکی · ہندکو · کوہستانی · کلاشا · یدغا · وخی · دامیڑی · مداک لشٹی · پھالولا · ڈوماکی · گواربتی · کالامی · توروالی