سپین
| سپین Reino de España Regne d’Espanya Espainiako Erresuma مملکتِ ہسپانیہ | |||||
|---|---|---|---|---|---|
| |||||
| ماٹو:Plus Ultra | |||||
| دیسی گؤن:شاہی گؤن (Marcha Real) | |||||
 | |||||
| راجگڑھ | میڈرڈ | ||||
| سبتوں وڈا شہر | میڈرڈ | ||||
| دفتری بولی | ہسپانوی | ||||
| دوجیاں بولیاں | کیٹلونی باسک گلیکیائی اراغونی استوری بولی | ||||
| نسلی ٹولیاں | سپینی 87.8% دوجے 12.2% | ||||
| حکومت دا نظام بادشاہ
وزیرِ اعظم |
آئینی بادشاہت جوان کارلوس I خوسے لوئیس رودریگیس ثاپاتیرو | ||||
| آزادی - مسلماناں توں آزادی اتحاد |
مسلماناں توں 1492ء 1469ء | ||||
| یورپی یونین دی رکنیت | پہلی جنوری 1986ء | ||||
| رقبہ - کل - پانی (%) |
505992 مربع کلومیٹر (51) 195365 مربع میل 1.04 | ||||
| لوک گنتی - تخمینہ:2007ء - لوک سنگھنائی |
45,200,737 (28) 89 فی مربع کلومیٹر(112) 231 فی مربع میل | ||||
| کچی دیسی پیدار - مجموعی - فی کس |
تخمینہ: 2007ء 1362 ارب ڈالر 11 واں 33700 ڈالر 27 واں | ||||
| انسانی ترقیاتی اشاریہ (تخمینہ: 2007ء |
0.949 13 – اچا | ||||
| سکہ | یورو (EUR)
| ||||
| ویلہ زون - عمومی ۔ موسمِ گرما (د۔ب۔و) |
وشکارلا یورپی ویلہ (CET اور CEST) (یو۔ٹی۔سی۔ 1) مستعمل (یو۔ٹی۔سی۔ 2) | ||||
| انٹرنیٹ کوڈ |
.es | ||||
| کالنگ کوڈ | +34
| ||||
سپین لیندے دکھنی یورپ چ ایبیریا جزیریورگا وچ یورپی یونین دا سنگی اک ازاد دیس اے جتھے قنونی بادشائی راج اے۔ ایدے چڑھدے تے دکھنی پاسے رومی سمندر تے ایدر ایدا تھوڑا جیا بارڈر برطانیہ دے تھاں جبرالٹر نال رلدا اے جیدے تے سیپن دا وی کلیم ہے، اتر تے چڑھدے اتر ول فرانس انڈورہ تے خلیج بسکے اے، لیندے ول پرتگال تے وڈا سمندر اوقیانوس اے جیدے نال ایہدا 1214 کلومیٹر لماں بارڈر ملدا اے۔ 505,992 مربع کلومیٹر (195,365 مربع میل) تھاں نال ایہ یورپ دا پنجواں تے یورپی یونین دا دوجا سب توں وڈا دیس اے۔
سپین وچ انسان پچلھے 35،000 وریاں توں رہ ریا اے۔ 200 م پ وج ایتھے رومی آۓ تے ایہدا ناں ہسپانیہ پیا۔ وشکارلے ویلیاں وچ ایتھے جرمن قبیلے آئے تے اٹھویں صدی وچ بنو امیہ عرب آۓ مسلمان ایس نوں اندلس کیندے سن تے قرطبہ اوہناں دا راجگڑھ سی۔ مسلماناں دے 14ویں 15یں صدی چ جان توں مگروں بوت وڈی طاقت بن گیا تے اینے بوت دور تک سلطنت بنائی جیدے نشان اج وی 40 کروڑ ہسپانوی بولن والیاں دے طور تے ہے گے نیں۔ 18ویں تے 19ویں صدی وچ سپین ماڑا پے گیا۔ ایدی حکومت اک قنونی بادشاہت دے تھلے پارلیمنٹ نال بنی اے۔ سپین دا دنیا چ 9واں سب توں بوتا جی ڈی پی اے تے ایدے لوکاں دا جیون ناپ دنیا چ 16واں اے۔ سپین اقوام متحدہ، یورپی یونین، نیٹو، دا سنگی اے۔
ناں
[سودھو]سپین ناں کنج پیا ایہدے بارے کوئی پکی گل نہیں۔ خورے ایہ یونانی شبد ہسپیریا توں ای بنیا اے جیہڑا یونانیاں اٹلی بارے کیا جیدا مطلب سی لیندا تھاں تے ہسپانیہ وی لیندے پاسے ہون باہجوں ایہ ای اخواندا ہووے۔ عرباں ایس نوں اندلس آکھیا۔ اندلس وندالیشیا توں وگڑیا یعنی وندالاں دا دیس۔ وندال اک قبیلا سی جیدے کولوں عرباں سپین کھویا۔
جغرافیہ
[سودھو]
سپین یورپ دے لیندے دکھن ول ایبیریا دے لامت تھاں (85٪) تے پھیلیا ہویا اے۔ 47,000 مربع کلومیٹر(18,000 مربع میل) نال ایہ فرانس نالوں نکا امریکی صوبے کیلیفورنیا نالوں وڈھا اے۔ سپین دنیا دا 51واں تے یورپ دا دوجا سب توں وڈا دیس اے۔ پیرینیز دے پعاڑ اترچردے چ فرانس نالوں وکھریاں کردے نیں۔ ایہ رومی سمندر توں بسکے دی خلیج تک 435 کلومیٹر لما پھیلیا اے تے سپین نوں فرانس توں وکھ کردا اے۔ دکھن وچ جبرالٹر اے تے مراکش سپین توں 13 کلومیٹر دور اے۔ پرتگال سپین دے لیندے دکھن ول اے تے ایہدا بارڈر 1214 کلومیٹر رلدا اے۔ سپین دا اک نکا جیا تھان سپین دے بارڈر توں تھوڑا دور فرانس دے اندر اے۔ اتر وچ ایہدا بارڈر نکے پہاڑی دیس انڈورہ نال وی رلدا اے۔ سپین دے کج جزیرے رومی سمندر چ وی نیں تے کج جزیرے ایٹلانٹک سمندر چ وی نیں۔ سپین دیاں کئی تھاواں اتے تھلے ہوندے علاقے تے پعاڑی علاقے نیں۔ ایناں پعاڑاں توں کئی دریا وی بیندے نیں۔ سیوطہ تے ملیلہ ایس دے اتلے افریقہ وچ سمندری کنڈے تے تھاں نیں۔
ٹیگس، ایبرو، دویرو، گواڈیانا تے گواڈلکویر سپین دے وڈے دریا نیں۔ سپین دے اندر ملحسن سب توں وڈی چوٹی اے۔
سپین دا محول تن حصیاں وچ ونڈیا جاسکدا اے: اتلے سپین دا اوقیانوس نال جڑدا اے۔ رومی سمندری محول ایس جزیریورگا دے چوکھے حصے تے چلدا اے جد کے دکھنی چڑھدے ول سکا محول اے۔
جزیرے
[سودھو]
سپین کول رومی سمندر ج بیلارک جزیرے ، بحر اوقیانوس چ کناری جزیرےآں توں علاوہ آبنائے جبرالٹر دے رومی سمندر الے پاسے کئی غیرآباد جزیرے نیں جنہاں نوں ہسپانوی بولی چ plazas de soberanía (سپینی اقتدار ہیٹھ علاقے) آکھیا جاندا اے ۔ رومی سمندر چ اتلے افریقہ تے سپین وچکار واقع جزیرہ البوران وی سپین دے کول اے تے اسدے علاقےاندلسیہ دی میونسپلٹی المیریا راہیں جزیرے دے معاملے چلائے جاندے نیں ۔
- سپین دے مل ہیٹھ جزیرےآں دی لوک گنتی ایہ وے:
| جزیرہ | لوک گنتی |
|---|---|
| تینیریفے | 899,833 |
| ملورکا | 862,397 |
| کناری جزیرے | 838,397 |
| لانزاروتے | 141,938 |
| ایبیزا | 125,053 |
| فیورتےوینتورا | 103,107 |
| مینورکا | 92,434 |
| لاپالما | 85,933 |
| لاگومیرا | 22,259 |
| الہیرو | 10,558 |
| فورمنتورا | 7,957 |
| آرؤسا | 4,889 |
| لاگراسیوسا | 658 |
| تبارکا | 105 |
| اونس جزیرہ | 61 |
تریخ
[سودھو]پرانی رومن ویلے توں پہلی تریخ
[سودھو]سپین چ 12 لکھ ورے پہلاں اتاپوئیرکا پہاڑ دی تھاں تے بن مانس دے رہن دے نشان لبے نیں۔ ماڈرن انسان 32000 سال پہلاں ایبیریا وچ فرانس ولوں آیا۔ اوس تریخ توں وی پہلے ویلے دے نشاں اوہدیاں بنیاں ہویاں مورتاں اتلے سپین دے کینٹیبریا صوبے وچ التامیرا دی غار وچ لبیاں نیں جنہاں نوں 15000 م پ ورے پہلے کرو-میگنن نے بنایا سی۔۔ اوہ لوک فرانس توں ہوندے ہوۓ سپین پہنچے۔ آخری برف دور دے بعد سپین اوناں تین تھاواں چوں اک اے جتھوں لوکاں نے یورپ دوبارہ اباد کیتا۔
آئیبیریائی تے سیلٹ ایبریا دے سب توں پرانے واسی نیں۔ لیندے پیرینیز ول باسک سن۔ 1100 ق م وچ دکھن ول تارتیسوس ناں دا نگر سی جیدا کاروبار یونانیاں تے فونیقیاں نال سی۔ کارتھیج والیاں دا ایبیریا نال جڑدے رومی سمندر ول زور سی پر رومیاں نے اوہناں نوں پیونک لڑائیاں مگرون ایتھے مل ماریا۔
رومن ویلہ
[سودھو]
رومیاں نے رومی سمندر دے کنڈیاں تے کارتھیج دیاں نگریاں دوجی پیونک لڑائی مگروں 210 توں 205 م پ وچ مل ماریا پر ایبیریا تے مل مارن لئی اوہناں نوں 2 صدیاں لگ گیا بشک ایتھے اوہناں 6 صدیاں تکر راج کیتا۔ رومی راج وچ ایتھے رومی بولی رومی فنون تے رومی سڑکاں وی اپڑیاں۔ سیلٹک تے ہور ایبیریائی رہتلاں تے ہولی ہولی رومی رنک چڑھدا گیا۔ سپین رومی بزار دی منڈی بن گیا۔ سپین توں سونا، ان، زیتون دا تیل تے شراب باہر جاندی سی۔ وائی بیجی وچ وادے لئی کئی ویونتاں دا مڈھ رکھیا گیا جیہڑے ہلے وی ورتے جارۓ نیں۔شہنشاہ ہیڈرین، ٹریجن تے تھیوڈیوسیس تے فلسفی سینیکا ایتھے جمے۔
عیسائیت پہلی صدی وچ سپین اپڑی۔ سپین دیاں ہندیاں بولیاں مذہب تے فنوناں دا مڈ اوس ویلے توں اے۔ 5ویں صدی وچ لیندی رومی سلطنت ماڑی پے گئی۔ ایتھے کئی لوک آۓ جناں وچ وندال وی سن اوہناں توں ایس دیس دا ناں وندا لیشیا یا اندلس پیا۔
711 چ ایتھے بنو امیہ دے خلیفہ ولید بن عبدالملک دے ویلے اودے جرنیل طارق بن زیاد نے ہلہ بولیا تے سپین تے پرتگال تے عرباں نے مل مار لیا۔ عرباں نے سارے سپین تے مل مار لیا پر ایدے اتر چ پعاڑی تھاں چھڈ دتے جتھوں فیر عرباں نال لڑائی ٹری جیہڑی اگلیاں اٹھ صدیاں تک چلدی رئی۔ عرباں نیں ایتھوں دیان واسیاں کئی حق دتے پر اوناں ٹیکس وی دینے پیندے سن۔ اٹھویں صدی تک سپین دی چوکھی ساری لوک گنتی مسلمان ہوچکی سی۔ بربر تے عرب مسلماناں وشکار کھچاؤ وی چلدا ریا۔ مسلمان گواڈالکویر ایبرو ویلینسیا تے غرناطہ دے پعاڑی تھاواں تے وس چکے سن۔
اموی خلافت دا راجگڑھ قرطبہ لیندے یورپ دا وڈا سوہنا تے خوشحال شہر سی۔ پڑھائی لکھائی رہتل دے سمبندے جیہڑے لیندے ایشیاء توں ایتھے لیاۓ گۓ اوہآکے ودے۔ سائینس فلاسفی آرکیٹیکچر تے رہتل ایتھے پونگرے تے وڈے ہوۓ۔ وائی بیجی چ وادے ہوۓ نویاں فصلاں تے نویں رکھ لگاۓ گۓ۔
11ویں صدی چ بنو امیہ دے راج توں وکھرے ہون مگروں سپین نکے نکے راجاں چ جناں نوں طائفہ آکھیا جاندا اے ج ونڈیا گیا تے اے اتر چ وسدیاں سعائی دیساں لئی اونان تے ہولی ہولی مل مارن اسان ہودا گیا۔ اتلے افریقہ توں مرابطین تے موحدین سپین آے پر اوہ مسلم سپین نوں ناں بچا سکے۔ 1492 نوں مسلماناں دا اخیرلا راج غرناطہ تے وی سعایاں نے مل مار لیا۔ 1492 نوں ای کولمبس نوں اپنے سمندری سفراں لئی جعاز تے پسے سپین دے باد شاہ کولوں لبدے نیں۔ امریکہ دی لب نے اوتھے مل مارن نال سپین جگ دی اک وڈی طاقت بن گیا۔
شاہی ویلہ
[سودھو]
اراغون تے قسطیلیہ دے اک جٹ ہون نال سپین اک ہوگیا تے سپین دے شائی ویلے دی نیو پئی۔ 16ویں تے 17ویں صدی چ سپین یورپ دی اگے ودویں طاقت سی۔ سپین دیاں نیدرلینڈز برطانیہ فرانس تے سلطنت عثمانیہ نال وی لڑائیاں ہویاں۔ ہسپانوی سلطنت چ امریکہ دے وڈے انگ بحر الکاہل دے تھاں اتلے افریقہ دے جزیرے نیدرلینڈز فرانس جرمنی اٹلی دے کئی پاسے ہیگے سن۔ ایدے بارے آکھیا جاسکدا اے جے اے پہلی سلطنت سی جیدے تے سورج نیں ڈبدا۔
1793 چ سپین نے فرانس نال لڑائی چھیڑی جیدے چ سپین نوں ہار ہوی۔ سپین فرانس دے اک تھلے لگا سنگی بن کے رہ گیا۔ 1814 چ فرانس دی ہار باجوں سپین چ اودا زور ٹٹ گیا۔ پر سپین دے اندر اوہ چگڑے ٹرے جناں نے سپین نوں ہلا کے رکھ دتا تے اودے کولوں کیلیورنیا توں لے کے پیٹاگونیا تک دے تھاں کھنج گۓ۔ 19ویں صدی دے انت وچ کیوبا تے فلپائن وکھ ہوۓ۔
ہسپانوی گھر دی لڑائی تے فرانکو
[سودھو]1936 وچ سپین وچ گھر دی لڑائی شروع ہوئی۔ ایسدا آگو جنرل فرانکو سی تے اوہ 3 ورے مگروں نازی جرمنی تے فاششسٹ اٹلی دی ہتھ ونڈائی نال جتدا اے۔ ایس لڑائی وچ 5لکھ لوک مارے گۓ تے 5 لکھ لوک دیس چھڈ گۓ۔ دوج؛ وڈی لڑائی وچ فرانسسکو فرانکو تھلے سپین اک نیوٹرل دیس سی۔ فلانجے پارٹی ای کلی پارٹی سی۔ دوجی وڈی لڑائی مگروں دنیا توں وکھرا ریا پر سوویت یونین نال مقابلے وچ ایہدا مل ودھیا۔ پہلے تے سپین یونائیٹڈ نیشنز تون وی وکھ ریا۔ 1960 دے دھاکے دے انت وچ سپین کم کاج وچ اگے ودھیا۔
فرانکو مگروں
[سودھو]1975 وچ فرانکو مریا تے یوان کارلوس اودھی تھاں سپین دا بادشاہ بنیا۔ 1981 وچ کج فوجی افسراں نے راج تے مل مارن دی کوشش کیتی پر بادشاہ اگے ہار گۓ۔ 30 مئی 1982 نوں سپین اک ریفرنڈم مگروں نیٹو وج رلیا۔ 1986 وچ سپین یورپی کمیونٹی وچ آیا۔ 1 جنوری 2002 نوں سپین دے سکے دے سکے پسیٹا دی تھاں یورو نوں سپین دی کرنسی منیا گیا جیہڑا یورپ دے 16 ہور دیساں وچ وی چل ریا سی۔ 2008/9 وچ دیس نون بپار تے کم کاج وچ مندا ویھکنا پیا۔ 11 مارچ 2004 نوں سپین دے راجگڑھ میڈرڈ وچ بمب پھٹے جیدے وچ 191 بندے مارے گۓ تے ایہ پتہ چلیا جے ایہ حملے القائدھ نے کراۓ سن۔
سرکار
[سودھو]
.svg){kind=small}
.svg){kind=small}
.svg){kind=small}
سپین اک قنونی بادشائی اے۔ پارلیمنٹ دو انکاں نال بندی اے۔کانکرس دے 350 سنگی نیں تے ایہ 5 وے لئی جنی جاندی اے جد کے سینٹ دے 259 سنگی نیں۔ یوان کارلوس 1975 توں دیس دا آگو اے جد کے وزیراعظم سرکار دا آگو اے۔
حکومتی دیاں شاخاں
[سودھو]سپین دی سیاسی ونڈ
[سودھو]سپین نوں انتظامی لحاظ نال 17 خود مختار علاقےآں (Comunidad Auónoma) تے 2 خود مختار شہراں (Ciudad Autónoma) چ ونڈیا گیا اے، ہر علاقے دی اک علاقائی پارلیمنٹ، ہائی کورٹ تے علاقائی حکومت اے۔ علاقائی پارلیمنٹاں ہر 4 ورہےآں مگروں لوک چوناں راہیں اپنے ممبراں دا چنا کردیاں نیں جہڑیاں کہ علاقائی حکومت دے سربراہ (صدر) نوں چن دیاں نیں۔
انتظامی ڈویژن
[سودھو]خودمختار علاقے تے خودمختار شہر
[سودھو]صوبے تے میونسپلٹیاں
[سودھو]خارجی تعلقات
[سودھو]علاقےآں دی ملکیت دے جھیڑے
[سودھو]بولیاں
[سودھو]
ہسپانوی سرکاری تے سارے دیس چ بولی جاندی کیٹلونی, شریک سرکاری باسک, شریک سرکاری بولی گلیکیائی , شریک سرکاری بولی | اوکیتان ،(آرانی بولی دا اک لہجہ) ،شریک سرکاری بولی استوری بولی, تسلیم شدہ بولی اراغونی, تسلیم شدہ بولی |
سپین کئی بولیاں بولن والا دیس اے تے سپین دا قنون سپین وچ ساری بولیاں دے بچاؤ دا زمیوار اے۔ ہسپانوی دیس دی سرکاری بولی اے تے ہر ہسپانوی لئی ایہنوں سکھنا حق تے فرض اے۔ سیپن دا قنون سپین وچ بولیاں جانوالیاں دوجیاں بولیاں نوں وی مندا اے تے اوہناں نکیاں بولیاں نوں اوہناں دے بولن والے تھانواں وچ بولن ورتن دی ازادی اے تے ایس کم وچ سرکار وی ہتھ ونڈاندی اے۔ ہسپانوی دے نال سپین دیاں دوجیاں سرکاری بولیاں ایہ نیں:
- باسک، ایہ بولی اتلے سپین دے تھاں باسک دیس تے ناوارا وچ بولی جاندی اے۔
- کیٹلونی بولی کیتلونیا تے بیلارک جزیرے وچ بولی جاندی اے۔
- گلیکیائی بولی گالیکیا وچ بولی جاندی اے۔
باسک نوں 2٪، کیٹلونی نوں 17# تے گلیکیائی نوں 7٪ لوک بولدے نیں۔
ہسپانوی سارے لوکاں دی پہلے یا دوجے نمبر تے بولی تے سمجھی جانوالی بولی اے۔ ایہ ہند یورپی بولیاں دے ٹبر دی بوی اے۔ 2005 دے اک نتارے وچ 89% لوکاں نے ہسپانوی نوں اپنی ماں بولی کیا۔
تعلیم
[سودھو]لوک
[سودھو]گھٹ گنتی ٹولیاں
[سودھو]مذہب
[سودھو]- سن 2014ء دے شروع کیتے گئے اک سروے موحب سپین دے لوکاں نے اپنے مذہب ایہہ دسے نیں ، مذہب دے لحاظ نال نوک گنتی دا فیصد اس ڈبے چ دسیا گیا اے:
سپین دا کوئی سرکاری مزہب نئیں پر کیتھولک چرچ دی رہتل تے گوڑھی چھاپ اے۔ سارے سکولاں وچ پڑھاکواں نوں یا تے کیتھولک چرچ یا فیر چنگا ورتن دی کلاس چننی پیندی اے۔ اپریل 2012 دی اک کھوج وچ 71% ہسپانوی لوکاں نے اپنے آپ نوں کیتھولک منیا۔ 24% نے اپنے آپ نوں کسے مزہب وچ ناں گنیا۔ 9.4% اپنے آپ نوں ان متی کیندے نیں۔
1492 نوں ایتھوں سارے یہودیاں نوں دیس نکالا دتا گیا 19ویں صدی وچ اوہناں نوں فیر آن دتا گیا تے ایس ویلے 62,000 دے نیڑے یہودی وسدے نیں۔ 1609 تک سارے مسلمان یا سائی ہوگۓ یا فیر اوہ دیس چھڈ گۓ۔ 19ویں تے 20ویں صدی وچ اوہناں نوں دیس وچ آن دتا گیا تے ایس ویلے سپین وچ 17 لکھ دے نیڑے مسلمان نیں۔ چوکھے اتلے افریقہ توں نیں۔ پنجاب پاکستان توں وی ہزاراں سپین وچ نیں۔
پھرن ٹرن
[سودھو]پھرنٹرن والیاں لئی سپین اک اچیچیا دیس اے۔ 2007 وچ فرانس مگروں سپین پھرن ٹرن لئی انوالیاں دا دوجا وڈا دیس دیس سی۔ سپین دا موسم، ایہدیاں تریخی تے رہتلی یادگاراں باہردے لوکاں لئی کھچ رکھدیاں نیں۔ سپین دا اتلے یورپ نالوں گرم موسم اتلے یورپ دے ٹھنڈے تھانواں توں لوک سپین دے سمندری کنڈیاں تے آندے نیں۔
قرطبہ، غرناطہ، اشبیلیہ مسلماناں دے ویلے دے تریخی تھاں نیں۔ غرناطہ وچ الحمرا دا محل ویکھن والی تھاں اے۔
سپین دے مشہور شہر
[سودھو]وڈے شہر تے قصبے
[سودھو]| سپین دے وڈے شہر شماریات دا قومی ادارہ (سپین) | |||||||||
|---|---|---|---|---|---|---|---|---|---|
| درجہ بندی | شہر | خودمختار علاقہ | لوک گنتی | درجہ بندی | شہر | خودمختار علاقہ | لوک گنتی | ||
 میڈرڈ |
1 | میڈرڈ | میڈرڈ | 3,233,527 | 11 | الیکانت | ویلینسیائی سنگت | 334,678 |  ویلنسیہ |
| 2 | بارسلونا | کیتلونیا | 1,620,943 | 12 | قرطبہ | اندلسیہ | 328,841 | ||
| 3 | ویلنسیہ | ویلینسیائی سنگت | 797,028 | 13 | والاڈولڈ | کیستلا تے لیون | 311,501 | ||
| 4 | اشبیلیہ | اندلسیہ | 702,355 | 14 | ویگو | گالیکیا | 297,733 | ||
| 5 | ساراگوسا | اراغون | 679,624 | 15 | گیجون | استوریا | 277,554 | ||
| 6 | ملاگا | اندلسیہ | 567,433 | 16 | لاہوسپیتالت | کیتلونیا | 257,057 | ||
| 7 | مرسیہ شہر | مرسیہ | 441,354 | 17 | اے کرونا | گالیکیا | 246,146 | ||
| 8 | پالما | بیلارک جزیرے | 407,648 | 18 | وٹوریا | باسک دیس | 242,223 | ||
| 9 | لاس پالماس | کناری جزیرے | 382,296 | 19 | غرناطہ | اندلسیہ | 239,017 | ||
| 10 | بلباؤ | باسک دیس | 351,629 | 20 | الش | ویلینسیائی سنگت | 230,587 | ||
.JPG){kind=small}
سپین دے وڈے شہراں دے ناں ایہ نیں ۔
سپین دے میٹروپولیٹن علاقے
[سودھو]| درجہ | شہری علاقہ | خودمختار علاقہ |
لوک گنتی | |
|---|---|---|---|---|
| حکومتی ڈیٹا | دوجے اندازے | |||
| 1 | میڈرڈ | میڈرڈ | 6,052,247 | 5.4 – 6.5 m[۲][۳] |
| 2 | بارسیلونا | کیتلونیا | 5,030,679 | 4.2 – 5.1 m[۲][۴] |
| 3 | ویلنسیہ | ویلینسیائی سنگت | 1,551,585 | 1.5 – 2.3 m[۵] |
| 4 | اشبیلیہ | استوریا | 1,294,867 | 1.2 – 1.3 m |
| 5 | ملاگو | اندلسیہ | 953,251 | |
| 6 | بلباؤ | باسک دیس | 910,578 | |
| 7 | اوویدو–گیجون–اویلس | استوریا | 835,053 | |
| 8 | ساراگوسا | اراغون | 746,152 | |
| 9 | الیکانت–الش | ویلینسیائی سنگت | 698,662 | |
| 10 | مرسیہ شہر | مرسیہ | 643,854 | |
آرکیٹیکچر
[سودھو]سپین دے جغرافیائی تے تریخی پسار باہجوں ایس دا آرکیٹیکچر وی ونسونا اے۔ سپین دے سارے وڈے شہراں دا مڈھ رومیاں نے رکھی رکھیا تے عرباں نے اپنا آرکیٹیکچر مسیتاں تے رہن دیاں تھانواں وچ چھڈیا۔ بنو امیہ دا راجگڑھ قرطبہ ایس وکھالے وچ اک ادھارن سی اوہناں دی بنی مسیت جیہڑی ہن اک گرجا اے ہجے وی کھڑی اے۔ غرناطہ دا الحمرا تے اشبیلیہ دا گیرالڈا عرب ویلے دیاں اچیچیاں نشانیاں نیں۔
12ویں توں 17ویں صدی تک عرب تے گوتھ سوچ دے ملاپ نال مودیجر آرکیٹیکچر بنیا تے چلیا۔ 20ویں صدی وچ نویں ارکیٹیکچر دا رواج پیا تے سپین دے انتونی گاڈی دے کم نوں اک دنیا نے پسند کیتا۔ بارسیلونا وچ ساگرادا فیمیلیا اوہدا وڈی مانتا والا کم اے۔ بلباؤ وچ گگنہائم میوزیم دا ڈیزائن نويں آرکیٹیکچر دا سرناواں اے۔
کھیڈاں
[سودھو]فٹ بال رومن ویلے توں کھیڈیا جاریا اے۔ ریال میڈرڈ تے بارسیلونا دنیا دیاں دو تکڑیاں ٹیماں نیں۔ سپین دی فٹ بال ٹیم 1964، 2008 تے 2012 وچ یورپی چمپیئن تے 2010 وچ فیفا ورلد چمپئین بنی۔
بارلے جوڑ
[سودھو] |
وکیمیڈیا کامنز چ مورتاں: سپین |
- سپین Archived 2009-05-01 at the وے بیک مشین
حوالے
[سودھو]- ↑ «Barómetro Abril 2014» (PDF). Centro de Investigaciones Sociológicas (Centre for Sociological Research). اپریل ۲۰۱۴. ص. 26. دریافتشده در ۶ اپریل ۲۰۱۴.
- ↑ ۲.۰ ۲.۱ «World Urban Areas: Population & Density» (PDF). Demographia. دریافتشده در ۱۰ اگست ۲۰۰۸.
- ↑ United Nations Department of Economic and Social Affairs, World Urbanization Prospects (2007 revision), (United Nations, 2008), Table A.12. Data for 2007.
- ↑ United Nations Department of Economic and Social Affairs, World Urbanization Prospects (2009 revision), (United Nations, 2010), Table A.12. Data for 2007.
- ↑ Organization for Economic Cooperation and Development, Competitive Cities in the Global Economy, OECD Territorial Reviews, (OECD Publishing, 2006), Table 1.1
· سپین دے تھاںاندلسیہ · اراغون · استوریا · بیلارک جزیرے · باسک دیس · کناری جزیرے · کینٹیبریا · کیستلا لامانچا · کیستلا تے لیون · کیتلونیا · ایکسٹریماڈورا · گالیکیا · میڈرڈ · مرسیہ · ناوارا · ویلینسیائی سنگت · لا ریوخا
سپین دے شہراشبیلیہ · آرٹیکشیو · استوریا · الباچیتے · الزیرا · میڈرڈ · قرطبہ · غرناطہ · بارسیلونا · ساراگوسا · کادس · استوریا · ویلنسیہ · الش · الغیکراس · المیریا · الیکانت · اوریہیولا · اولئیروس · اوویدو · اویلس · اے کرونا · بارسیلونا · برگوس · بلباو · تاراگونا · جیان · جیراز دی لا فرونتیرا · رئوس · ساراگوسا · سالٹ · سان سبیسٹیئن · سانتا کروز دی تینیرف · سانٹانڈر · سلمانکا · شاتیوا · غرناطہ · فیرول · قرطبہ · لا لنیا دی لا کانسپچیان · لاس پالماس · للیدا · لوگرونو · لیون · مارتوس · مارن · مرسیہ شہر · ملاگو · میڈرڈ · نارون · والاڈولڈ · وٹوریا · وگو · ویلنسیہ · ٹوریلاویگا · ٹورے پاچیو · پالما · پامپلونا · پونٹیویدرا · کادس · کارتیگانا · کاسٹیلون ڈی لا پلانا · گیجون · گیرونا · ہیولوا
آئس لینڈ · جرمنی · البانیا · اندورہ · آرمینیا · آسٹریا · آذربائیجان · بیلارس · بیلجیم · بوسنیا تے ہرزیگوونا · بلغاریہ · کروشیا · قبرص · چیک · ڈنمارک · اسٹونیا · فنلینڈ · فرانس · یونان · ھنگری · اٹلی · آئرلینڈ · قازقستان · کوسوو · لیٹویا · لیختنشٹاین · لیتھوینیا · لکسمبرگ · مقدونیہ · مالٹا · مولڈوا · موناکو · مونٹی نیگرو · نیدرلینڈز · ناروے · پولینڈ · پرتگال · رومانیہ · روس · سان مرینو · سربیا · سلویکیا · سلوینیا · سپین · سویڈن · ترکی · سویٹزرلینڈ · برطانیہ · یوکرین · ویٹیکن · جارجیا