مسقط

Wikipedia توں
جاو: مدد, کھوج

مسقط سلطنت عمان دا راجگھر تےسبتوں وڈا شہر اے ۔ 2005ء دے مطابق شہر دی آبادی 6 لکھ 50 ہزار اے ۔ مسقط 6 ولایتاں چ ونڈیا ہویا اے ۔

تریخ[لکھو]

ایہہ مشرق وسطی دے قدیم ترین شہران چوں اک اے جس دے تریخی حوالے دوجی صدی عیسوی چ ملدے نیں ، جدوں ایہہ روم (رومی سلطنت) تے چڑھدے وچکار تجارت دا مرکز سی ۔

مشہور جہازراں واسکوڈے گاما ہندستان دے سفر دوران ایتھے آیا سی تے بعد چ 1507ء چ پرتگیزیاں نے شہر تے مل مار لئیا ۔ 1649ء چ امام سلطان بن یوسف نے پرتگیزیاں نوں شکست دے کے مسقط توں کڈ دتا ۔

پرتگیزیاں نوں شکست دین دے مگروں اسنوں لبھن آلے بحرے بیڑے راہیں سلطان نے زنجبار توں لے کے گوادر تک اک وڈی سلطنت قائم کیتی ۔ ایہہ سلطنت اومان تے مسقط دا سنہرا دور سی ۔

1679ء چ امام سلطان دے مرن مگروں سلطنت مسائل دا شکار ہو گئی ۔ 1737ء چ فارسیاں نے جارحیت کیتی تے بالآخر شکست کھادی ۔


1803ء چ سعودی عرب دے وہابیاں نے اومان اتے حملہ کیتا جسنوں سید سعید بن سلطان نے ناکام بنا دتا ۔ 1853ء چ سلطان نے راجگھر اومان توں زنجبار منتقل کر دتا ، جس دے نال ای مسقط تے اومان دا زوال شروع ہو گیا ۔

1913ء چ سلطان تیمور بن فیصل سلطان بنیا تے علاقے نوں مسقط تے اومان دا ناں دتا ۔ سلطان مسقط توں جدوں کہ امام اومان توں حکومت کر رہے سن ۔ 1947ء چ ہندستان دی ونڈ مگروں سلطان نے برطانیہ دی مدد نال امام نوں شکست دتی تےاومان نوں متحد کر دتا ۔

باہرلے جوڑ[لکھو]