پاکستان ریلوے

پاکستان ریلوے
ملک	پاکستان
حصہ	ریلوے کمپنی
بنیاد	۱۹۴۷
انتظامی تقسیم
ملک	پاکستان
ہیڈکواٹر	لہور
انڈسٹری	ریل آوا جائی
قانونی قسم	ریاستی ملکیتی ادارہ
رکن	بین الاقوامی ریلوے اتحاد (۱۹۷۶–)
مزید معلومات
باضابطہ ویب سائٹ	باضابطہ ویب سائٹ (انگریزی تے اردو )

پاکستان ریلویز

شعار پاکستان ریلویز
کاروباری تھاں	ماتحت وزارت ریلوے، حکومت پاکستان
کم	پٹری آوا جائی
بنی کس ویلے	1947
ہیڈکواٹر	لاہور، پنجاب
وفاداری جگہ	پاکستان
خدمات	مسافراں تے مال د‏‏ی ریل گڈیاں دے ذریعے ترسیل
آمدنی	پاکستانی روپیہ 18,612 ملین (2010–2011)
مالک	حکومت پاکستان (100%)
کم کرن والے بندے	82,424 (2010–2011)
ویب سائٹ	pakrail.com/index.php/

پاکستان ریلویز

پاکستان ریلویز ( انگريزی: Pakistan Railways ) جیہدا پرانا ناں 1947ء توں فروری 1961ء تک شمال مغربی ریلوے (North Western Railway)، فروری 1961ء توں مئی 1974ء تک پاکستان مغربی ریلوے (Pakistan Western Railway) سی، حکومت پاکستان دا اک محکمہ اے جیہڑا پاکستان چ ریلوے خدمات فراہم کردا اے۔ ایہدا ہیڈ کوارٹر لہور چ اے تے ایہ وزارت ریلوے دے تھلے کم کردا اے۔ پاکستان ریلویز پاکستان چ بڑے پیمانے تے آمد و رفت دی سستی تیز رفتار تے آرام دہ سہولیات فراہم کردا اے۔

پاکستان ریلوے ہیڈ کوارٹر لہور

تریخ

اجوکے پاکستان چ ریلوے دا مُڈھ 13 مئی 1861 نوں رکھیا گیا جد کراچی توں کوٹری 169 کلومیٹر ریلوے لائن دا افتتاح ہویا۔ 24 اپریل 1865 نوں لہور - ملتان ریلوے لائن نوں ٹریناں دی آمدورفت لئی کھول دتا گیا۔ 6 اکتوبر 1876ء نوں دریائے راوی, دریائے چناب تے دریائے جہلم دے اُتے پُلاں دی تعمیر مکمل ہو گئی تے لہور - جہلم ریلوے لائن نوں کھول دتا گیا۔ 1 جولائی 1878 نوں لودھراں - پنوعاقل 334 کلومیٹر لمبی ریلوے لائن دا افتتاح ہویا۔ 27 اکتوبر 1878ء نوں دریائے اِنڈس دے لہندے کنڈھے اُتے کوٹری توں سکھر براستا دادو تے لاڑکانہ ریلوے لائن نوں ٹریناں دی آمدورفت لئی کھول دتا گیا۔ سبی تک ریلوے لائن بچھاوݨ دا کم جنوری 1880 چ مکمل ہویا۔ اکتوبر 1880 چ جہلم - راولپنڈی 115 کلومیٹر لمبی ریلوے لائن نوں ٹریناں دی آمدورفت لئی کھول دت گیا۔ 1 جنوری 1881 نوں راولپنڈی - اٹک دے وچکار 73 کلومیٹر لمبی ریلوے لائن نوں کھول دتا گیا۔ 1 مئی 1882ء نوں خیرآباد کنڈ - پشاور 65 کلومیٹر لمبی ریلوے لائن دی تعمیر مکمل ہو گئی۔ 31 مئی 1883 نوں دریائے اِنڈس اُتے اٹک پُل دی تعمیر مکمل ہوݨ مگروں پشاور - راولپنڈی نال ریل دے ذریعے جُڑ گیا۔

1885 تک موجودہ پاکستان چ 4 ریلوے کمپنیاں سندھ ریلوے، انڈین فلوٹیلا ریلوے، پنجاب ریلوے تے دہلی ریلوے کم کردیاں سی۔ 1885 چ ہندوستانی سرکار نے ساریاں ریلوے کمپنیاں خرید لئیاں تے 1886 چ نارتھ ويسٹرن اسٹیٹ ریلوے دی بنیاد رکھی بعد چ ایہدا ناں نارتھ ويسٹرن ریلوے رکھ دتا گیا۔

مارچ 1887 نوں سبی - کوئٹہ ریلوے لائن دی تعمیر مکمل ہو گئی۔ 25 مارچ 1889 نوں روہڑی تے سکھر دے وچکار لینس ڈاؤن پُل دا افتتاح ہویا۔ ایس پُل دی تعمیر مکمل ہوݨ توں بعد کراچی - پشاور بزریعہ ریل جُڑ گئے۔ 15 نومبر 1896 نوں روہڑی - حیدرآباد براستا ٹنڈو آدم، نواب شاہ تے محرابپور ریلوے لائن دا افتتاح ہویا۔ 25 مئی 1900 نوں کوٹری پُل تے 8 کلومیٹر لمبی کوٹری - حیدرآباد ریلوے لائن مکمل ہو گئی۔ ایس سیکشن دے مکمل ہوݨ توں بعد پاکستان ریلویز دی کراچی - پشاور موجودہ مرکزی ریلوے لائن وی مکمل ہو گئی۔ نارتھ ويسٹرن ریلوے نوں فروری 1961 چ پاکستان ويسٹرن ریلوے تے مئی 1974 چ پاکستان ریلویز چ بدل دتا گیا۔

گیج ﴿ پٹری دی چوڑائی ﴾

پاکستان بݨݨ ویلے پاکستان چ 3 مختلف براڈ گیج، میٹر گیج تے نیرو گیج ریلوے لائناں استمال ہُندیاں سن۔ جیہناں وچوں کچھ میٹر گیج تے نیرو گیج ریلوے لائناں براڈ گیج چ بدل دتیاں گئیاں نیں تے باقی بند ہو گئیاں نیں۔ہُݨ پاکستان ریلوے دے نظام چ صرف براڈ گیج ریلوے لائناں ای استمال ہُندیاں نیں۔

اہم ریلوے لائناں

• کراچی توں پشاور مین ریلوے لائن براستہ روہڑی، خانیوال، لہور تے راولپنڈی
• روہڑی توں کوئٹہ
• خانیوال توں فیصل آباد
• لہور توں فیصل آباد
• لہور توں سیالکوٹ براستا ناروال

دجیاں ریلوے لائناں

• فیصل آباد
• سیالکوٹ جنکشن
• سرگودھا جنکشن
• کوئٹہ
• جیکب آباد جنکشن
• سبی جنکشن
• لاڑکانہ جنکشن
• میر پور خاص جنکشن
• دادو

بڑے ریلوے اسٹیشن

کراچی چھاوݨی ریلوے اسٹیشن

لہور جنکشن

کراچی توں پشاور تک مرکزی ریلوے لائن

• کراچی چھاونی ریلوے اسٹیشن
• لانڈھی ریلوے اسٹیشن
• کوٹری جنکشن
• حیدرآباد جنکشن
• نوابشاہ
• محرابپور
• خیرپور
• روہڑی جنکشن
• گھوٹکی
• صادق آباد
• رحیم یار خان

• بہاولپور
• ملتان
• خانیوال جنکشن
• چِيچہ وطنى
• مياں چنوں
• ساہیوال
• پتوكى
• اوکاڑہ
• کوٹ رادھا کشن
• راۓ ونڈ جنکشن
• لہور جنکشن
• شاہدره باغ جنکشن
• گوجرانوالہ
• وزیر آباد جنکشن
• گجرات
• لالہ موسا جنکشن
• منڈی بہاؤ الدین ریلوے اسٹیشن
• ملکوال جنکشن
• جہلم
• گجرخان
• چک لالہ
• راولپنڈی
• ٹیکسلا جنکشن

• اٹک جنکشن
• نوشہرہ جنکشن
• پشاور چھاونی

دوجے دیساں نال ریلوے لِنک

پاکستان بھارت, ایران تے ترکی نال بذریعہ ریل جُڑیا ہویا اے۔

بھارت

پاکستان بھارت نال لہور - دہلی تے میرپور خاص - جودھپور ریلوے لائناں دے ذریعے ملیا ہویا اے۔ 2 مسافر ٹریناں سمجھوتا ایکسپریس لہور تے دہلی دے وچکار ستوارے چ 2 باری تے تھر ایکسپريس ستوارا وار کراچی تے جودھپور دے وچکار چلدیاں نیں۔

ایران

پاکستان ایران نال کوئٹہ - زہدان ریلوے لائن دے ذریعے جُڑیا ہویا اے۔ مہینے چ 2 مسافر تے مال بردار ٹریناں کوئٹہ تے زہدان دے وچکار چلدیاں نیں۔

ترکی

ایران چ کرمان - زاہدان ریلوے لائن دی تعمیر مکمل ہوجاݨ توں بعد پاکستان ترکی تے یورپ نال وی بذریعہ ریل جُڑ گیا اے۔ 14 اگست 2009 نوں پاکستان تے ترکی دے درمیان مال بردار ٹرین دا اغاز ہو گیا اے جیہڑی اسلام آباد توں استنبول براستا تہران 6,500 کلو میٹر دا فاصلہ 14 دن چ طے کردی اے۔

چین تے سنکیانگ

سنکیانگ دے شہر کاشغر توں خنجراب دے راہیں براستا گلگت، اسلام آباد ریلوے لائن زیرِ تعمیر اے۔ ایہدے نال پاکستان چین، منگولیا، روس تے وچکارلے ایشیا نال جُڑ جاوے گا۔

ہور دیکھو

• پنجاب ریلوے
• لہور اورنج ٹرین
• ٹرین

باہرلے جوڑ

• سرکاری ویب سائٹ