جزیرا نما عرب

آزاد انسائیکلوپیڈیا، وکیپیڈیا توں
Jump to navigation Jump to search
جزیرہ نما عرب دا خلاہ توں منظر

جزیرا نما عرب لہندے ایشیا وچ واقع اک جزیرا نما اے ۔ جیہدا اک حصا صحرائی اے ۔ جزیرا نما عرب لہندے ایشیا دا اہم علاقا اے تے تیل تے گیس دے وڈےآں ذخیرےآں پاروں جگ دا اک اہم ترین تھاں اے ۔

جغرافیا[لکھو]

جزیرا نما عرب دا کنڈھا لہندے پاسے لال سمندر تے خلیج عقبہ ، چڑھدے لمے پاسے عرب سمندر تے اتلے چڑھدے پاسے خلیج اومان ، پانی گلی ہرمز تے خلیج فارس نال ملدا اے ۔

اُبھے پاسے جزیرا نما عرب دیاں حداں کوہ زاگرس تک جا کے مُک جاندیاں نیں ۔ جغرافیائی طور تے بغیر کسے واضع علامت شام صحرا نال جا ملدا اے ۔

سیاسی طور تے جزیرا نما عرب سعودی عرب تے کویت دیاں شمالی سرحداں دے نال ختم ہو جاندا اے ۔

جزیرا نما عرب وچ شامل دیس[لکھو]

  1. ۔ بحرین (جزیرا نما عرب نالوں کٹئیا ہویا اک جزیرا اے)
  2. ۔ کویت
  3. ۔ عمان
  4. ۔ سعودی عرب
  5. ۔ متحدہ عرب امارات
  6. ۔ قطر
  7. ۔ یمن


نک سک[لکھو]

جزیرا نما عرب دا بوہتا حصا سعودی عرب وچ شامل اے تے آبادی دی وڈی گنتی وی سعودی عرب تے یمن چ رہندی اے ۔ جزیرہ نما عرب چ جگ دے سب توں بوہتے تیل دے ذخیرے پائے جاندے نیں ۔ مسلماناں دیاں مقدس ترین تھانواں مکہ تے مدینہ وی ایتھے نیں ۔ معاشی طور تے سعودی عرب تے متحدہ عرب امارات خطے دیاں امیر قوماں نیں ۔ عرب دنیا ٹیلی ویژن چینل الجزیرہ وی ایسے جزیرہ نما دے اک دیس قطر توں چلائیا جاندا اے ۔