ٹوبھا ٹیک سنگھ

ٹوبھا ٹیک سنگھ
Toba Tek Singh - ਟੋਭਾ ਟੇਕ ਸਿੰਘ
دیس :	پاکستان
صوبا :	پنجاب
ضلع :	ٹوبھا ٹیک سنگھ
تحصیل :	ٹوبھا ٹیک سنگھ
لوک گݨتی :	103000
بولی :	پنجابی

ٹوبھا ٹیک سنگھ پنجاب دے ضلع ٹوبھا ٹیک سنگھ دی تحصیل ٹوبھا ٹیک سنگھ وچ اک شہر اے ۔ ایہ شہ تحصیل تے ضلعے دا راجگڑھ وی اے ۔ مشہور افسانا لکھاری سعادت حسن منٹو نے ایس شہر دے نام اُتے اپݨا اک تریخی افسانا ٹوبھا ٹیک سنگھ لکھیا سی ۔ بعد وچ ایس افسانے اُتے پاکستان تے بھارت وچ ڈرامے تے فِلماں وی بݨایاں گئیاں ۔ ایس توں علاوا ٹوبھا ٹیک سنگھ اُتے پی ٹی وی دا مشہور ڈراما بوٹا فرام ٹوبھا ٹیک سنگھ وی بݨیا سی ۔

ناں

ایس شہر دا ناں اک لوک سیوک ٹیک سنگھ نال منسوب اے جیہڑے ایتھوں ننگھݨ آلے مسافراں نوں اپݨے ٹوبھے توں پاݨی پلاوندے سی ۔ ٹوبھا پنجابی وچ تالاب نوں کہیا جاندا اے ۔ ٹوبھا تے ٹیک سنگھ مِل کے ایہدا ناں ٹوبھا ٹیک سنگھ بݨ گیا ۔