سُکھدیڡ تھاپر

سُکھدیڡ تھاپر
جم	15 مئی 1907   لدھیاݨا، پنجاب، برطانوی ہند
وفات	23 مارچ 1931 (24 سال)  لہور، پنجاب، برطانوی ہند
وجہ وفات	پھانسی
طرز وفات	سزائے موت
شہریت	برطانوی ہندستان
رکن	ہندوستان سوشلسٹ رپبلکن ایسوسی ایشن
عملی زندگی
مادر علمی	نیشنل کالج آف آرٹس
پیشہ	سیاست دان ،  انقلابی ،  حریت پسند
مادری زبان	پنجابی
تنظیم	ہندوستان سوشلسٹ رپبلکن ایسوسی ایشن
تحریک	ہندستان دی آزادی تحریک
الزام و سزا
جرم	قتل

سُکھدیڡ تھاپر (15 مئی 1907–23 مارچ 1931) اک بھارتی انقلابی سی۔ اوہ ہندوستان سوشلسٹ رپبلکن ایسوسی ایشن دے بانی میبراں وچوں اک سن۔ اس نوں 23 مارچ 1931 نوں بھگت سنگھ تے راجگرو دے نال لہور وچ پھانسی دی سزا دتی گئی سی۔

بھگت سنگھ دے قریبی ساتھی تے ہندوستان سوشلسٹ ریپبلکن آرمی دیاں آگوُ قطاراں وچ سکھدیڡ نوں 23 مارچ 1931 نوں بھگت سنگھ تے راجگرو سمیت پھانسی دتی گئی سی ۔

جیون

سکھدیڡ تھاپر دا جم پنجاب دے شہر لدھیاݨا یا لائلپور وچ راملال تھاپر تے رلی دیوی دے گھر وکرمی سنوت 1964 دے پھگن مہینے وچ شکل پکھ سپتمی موجب 15 مئی 1907 نوں رات دے پونے گیاراں وجے ہویا سی۔ جم توں تنّ مہینے پہلاں ہی پیؤ دی موت ہو جان دے کارن اوہناں دے تایا اچنترام نے اوہناں دا پالݨ پوسݨ کرن وچ اوہناں دی ماں نوں پورا تعاون دتا۔ سکھدیو دی تائی نے وی اوہناں نوں اپنے پتّ دی طرحاں پالیا۔ اوہناں نے بھگت سنگھ، کامریڈ رام چندر تے بھگوتی چرن ووہرا دے نال لاہور وچّ نوجوان بھارت سبھا دا قیام کیتا سی۔

لالا لاجپت رائے دی موت دا بدلہ لیݨ لئی جدوں سکیم بنی تاں سانڈرس دا قتل کرن وچّ اوہناں نے بھگت سنگھ اتے راجگرُو دا پورا ساتھ دتا سی۔ ایہی نہیں، 1929 وچّ جیل وچ قیدیاں دے نال غیر انسانی ویہار کیتے جان دے خلاف سیاسی قیدیاں ولوں کیتی گئی بھکھ ہڑتال وچّ ودھ چڑھ کے حصہ وی لیا سی ۔

اوہناں نوں مقررہ تریخ اتے ویلے توں پہلاں جیل مینوئل دے اصولاں نوں درکنار رکھدے ہوئے 23 مارچ 1931 نوں شامیں 7 وجے سکھدیڡ، راجگرُو تے بھگت سنگھ تِناں نوں لہور سینٹرل جیل وچ پھانسی اتے لٹکا کے مار دتا گیا۔ اس تے ہندستان دے کونے کونے توں روس جاگیا سی۔ اس پرکار بھگت سنگھ تے راجگرُو دے نال سکھدیڡ وی صرف 24 سال دی عمر وچّ شہید ہو گئے۔

حوالے

 ایہ اک نامکمل مضمون اے۔ تُسیں اس وچ وادھا کر کے وکیپیڈیا دی مدد کر سکدے او۔