شاکر علی

وکیپیڈیا توں
(لیایا گیا شاکر علی (مصور))
Jump to navigation Jump to search
ستارہ امتیاز
جم مارچ 6, 1914(1914-03-06)ء
رام پور، برطانوی ہندوستان
موت جنوری 27, 1975(1975-01-27)ء
لاہور، پاکستان
کون اے پاکستان دا جھنڈاپاکستانی
مشہوری دی وجہ مصوری، خطاطی
Style تجریدی مصوری، تجریدی خطاطی
اعزاز صدارتی تمغا برائے حسن کارکردگی
ستارہ امتیاز

پروفیسر شاکر علی (انگریزی: Shakir Ali) (پیدائش: 6 مارچ،1914ء - وفات: 27 جنوری، 1975ء) پاکستان نال تعلق رکھنے والے نامور مصور، خطاط، پاکستان وچ تجریدی مصوری تے تجریدی خطاطی دے بانی تے نیشنل کالج آف آرٹس لاہور دے سابق پرنسپل سن۔

حالات زندگی[لکھو]

شاکر علی 6 مارچ، 1914ء نوں رام پور، برطانوی ہندوستان وچ پیدا ہوئے۔ مصوری دی ابتدائی تعلیم جے جے اسکول آف آرٹس، بمبئی توں حاصل کرنے دے بعد اوہ انگلستان چلے گئے جتھے انہاں نے فن مصوری دا تن سالہ کورس مکمل کیتا۔ انہاں کچھ عرصہ فرانس دے ممتاز مصور آندرے لاہوندے (Andre L'Hote) دے نال کم کرنے دا موقع وی ملیا۔ 1951ء وچ پاکستان آ گئے تے 1952ء وچ میو اسکول آف آرٹس لاہور نال وابستہ ہو گئے جو بعد وچ نیشنل کالج آف آرٹس کہلانے لگیا۔ 1961ء وچ اوہ اسے کالج دے پرنسپل مقرر ہوئے تے 1973ء تک اس عہدے اُتے فائز رہے۔[1]

شاکر علی پاکستان وچ تجریدی مصوری دے نال نال تجریدی خطاطی دے بانیاں وچ وی شمار ہُندے نیں ۔ انہاں نے آیات قرآنی نوں تجریدی انداز وچ لکھنے دی جو طرز ڈالی اسنوں بعد وچ محمد حنیف رامے، صادقین، آفتاب احمد، اسلم کمال، شفیق فاروقی، نیر احسان رشید، اسماعیل گل جی تے شکیل اسماعیل نے بام عروج تک پہنچا دتا۔[1]

اعزازات[لکھو]

حکومت پاکستان نے شاکر علی دی خدمات دے اعتراف دے طور اُتے انہاں نوں 14 اگست، 1966ء نوں صدارتی تمغا برائے حسن کارکردگی تے 1971ء وچ ستارہ امتیاز عطا کیتا[1]۔ پاکستان پوسٹ نے شاکر علی دی 100 سالہ جشن پیدائش دے موقع اُتے 10روپیہ مالیت دے ڈاک ٹکٹ دا اجرا کیتا۔

وفات[لکھو]

شاکر علی 27 جنوری، 1975ء نوں لاہور، پاکستان وچ وفات پا گئے تے لاہور وچ گارڈن ٹاؤن دے قبرستان وچ سپردِ خاک ہوئے۔[1]

حوالے[لکھو]

  1. 1.0 1.1 1.2 1.3 ص 403، پاکستان کرونیکل، عقیل عباس جعفری، ورثہ / فضلی سنز، کراچی، 2010ء