احمد سعید ناگی
| احمد سعید ناگی | |
|---|---|
| جم | 2 فروری 1916 |
| وفات | 1 ستمبر 2006 (90 سال) |
| قومیت |  پاکستانی
|
| عملی زندگی | |
| پیشہ | مصور |
| وجہ شہرت | مصوری |
| کارہائے نمایاں |
|
| اعزازات | |
| صدارتی تمغا برائے حسن کارکردگی | |
ترمیم  | |
احمد سعید ناگی (انگریزی: Ahmed Saeed Nagi) (پیدائش: 2 فروری، 1916ء - وفات: یکم ستمبر، 2006ء) پاکستان توں تعلق رکھنے والے عالمی شہرت یافتہ مصور سن۔ انہاں تحریک پاکستان دا سرکاری مصور ہونے دی وجہ توں شہرت حاصل اے۔
حالات زندگی[سودھو]
احمد سعید ناگی 2 فروری، 1916ء نوں امرتسر، برطانوی ہندوستان وچ پیدا ہوئے[۱][۲]۔ انہاں نے امرتسر، لاہور، دہلی تے پیرس وچ تعلیم پائی۔ 1944ء وچ انہاں قائد اعظم محمد علی جناح نوں روبرو بٹھا کے انہاں دا پورٹریٹ بنانے دا اعزاز حاصل ہویا۔ احمد سعید ناگی دی مصوری دی نمائش پیرس، لندن، لوزان، نیویارک، زاغرب، تہران، دہلی، شملہ، لاہور تے کراچی شہراں وچ ہوچکی سی۔ انہاں دیاں بنائیاں ہوئیاں پینٹنگز زیارت ریذیڈنسی، گورنر ہاؤس کوئٹہ، گورنر ہاؤس کراچی، موہٹہ پیلس، قصر ناز، گورنر ہاؤس پشاور تے پنجاب اسمبلی بلڈنگ لاہور وچ آویزاں نیں [۲]۔ انہاں تحریک پاکستان دا سرکاری مصور وی کہیا جاندا اے۔[۱]
اعزازات[سودھو]
حکومت پاکستان نے انہاں دی خدمات دے اعتراف دے طور اُتے انہاں 14 اگست، 1990ء نوں صدارتی تمغا برائے حسن کارکردگی عطا کیتا۔[۲]
وفات[سودھو]
احمد سعید ناگی یکم ستمبر، 2006ء نوں کراچی، پاکستان وچ وفات پا گئے۔[۱][۲]
حوالے[سودھو]
- ↑ ۱.۰ ۱.۱ ۱.۲ مصور احمد سعید ناگی انتقال کر گئے، روزنامہ ڈان،کراچی، 2 ستمبر 2006ء
- ↑ ۲.۰ ۲.۱ ۲.۲ ۲.۳ ص 974، پاکستان کرونیکل، عقیل عباس جعفری، ورثہ / فضلی سنز، کراچی، 2010ء