ڈاکٹر طاہرالقادری

وکیپیڈیا توں
Jump to navigation Jump to search
محمد طاہر القادری
Muhammad Tahir-Ul-Qadri - World Economic Forum Annual Meeting 2011.jpg
جمن دیاڑ: 19 فروری 1951
جمن پوہ: چنگ پاکستان
کم : مزہبی لکھاری تے سیاستدان

محمد طاہر القادری 19 فروری 1951 چ پنجاب پاکستان دے شہر چنگ چ جمے۔ اوہ پاکستان دی مذہبی ٹولی تحریک منہاج القرآن دی نیو رکھن والے نیں جیڑی 1981 چ بنی سی۔

اوہ منہاج ویلفئیر فاؤنڈیشن ، عوامی تعلیمی ویونت تے منہاج یونیورسٹی دے نیو رکھن والے نے، ایس تو ہٹ کے اوہ پاکستان عوامی تحریک ناں دی سیاسی جمات دے سرپنچ وی نے۔

اوہ شیخ سید طاہر علاؤالدین القادری الگیلانی دے مرید نے جیدی پیڑھی سید عبدالقادر جیلانی دی 17ویں تے پیغمبر اسلام نال 28ویں پیڑھی نال رلدی اے۔

اوناں نوں 1994ء چ 130 سال دی عمر دے اک بزرگ سید رسول خاکی شاہ نے پیلی وار تے اودوں باد 2004 چ عرب علماء ولوں شیخ الاسلام دا خطاب دتا گیا۔ [1]

اوہ مشرف دے دور چ ایم این اے بنے سن پر مشرف دی پالیسیاں توں اختلاف رکھن دی وجہ توں استعفئ دے دتا تے ایس مگروں اوہ کینیڈا ٹرگئے تے اوتھوں دے ای شہری بن گئے۔ 2012 دے انت وچ اوہ دیس مڑے تے 23 دسمبر نوں لہور وچ اک جلسہ کیتا۔ 13 جنوری نوں اوہنانے لہور توں اسلام آباد ول اک لمبے بارچ دا سدا دتا تاں جے اوتھے اک ودیا دا سرکاری پربندھ بنایا جاۓ۔ پیپلز پارٹی دے یوسف رضا گیلانی ہیراپھیریاں دے راج نے لوکاں نوں ایس سیاسی پربندھ توں نراض کرکے اوہدے ول موڑیا۔

سوچ[لکھو]

  • ڈاکٹر محمد طاہر القادری اک مزہبی پڑھاکو تے استاد اے ، پر اوہ اپنے آپ نوں بریلوی تے دیوبندی فرقیاں دے بندش توں کھلا (آزاد) اک عام مسلمان کیندا اے۔
  • اودا دا خیال اے کہ اپنا عقیدہ چھڈو نہ تے دوسریاں دا عقیدہ چھیڑو ناں آلی گل پوری امت دے کٹھیاں ہون لئی ضروری اے۔ [2]
  • ایناں دا کہنا اے کہ اسلامی تصوف لئی ضروری اے کہ انسان دا نفس پاکیزہ اوئے تے اے گل شریعت تے عمل کرن توں بغیر ممکن نئی اے۔ ایس واسطے اوہ تصوف نوں کاروبار بنان والیاں نوں جاہل تے گمراہ آخدے نیں۔ [3]
  • ایناں دا ایوی کہنا اے کہ اسلام پوری دنیا چ امن قائم کرن واسطے آیا اے [4] ۔ جہاد دے نام تے جیڑے مسلمان دہشت گردی دا بازار گرم کردے نیں اونہاں نوں مسلمان چھڈ کے انسان وی نہیں کینا چائی دا [5] ۔ اینا دا کینا اے کہ دہشت گردی دا کوئی وی مذہب نئیں۔ ایناں نے کئی واری کھلم کھلا اسامہ بن لادن دیاں کاروائیاں دی وی مذمت کیتی اے [6]۔

خاندانی پچھوکڑ[لکھو]

ڈاکٹرمحمد طاہر القادری چنگ دے اک عالم دین ڈاکٹر فرید الدین قادری دے پتر نیں ۔ ایناں دے وڈے وڈیرے سیال خاندان توں سان، جیڑے تصیل و ضلع جنگ چ چنیوٹ روڈ تے پنڈ کھیوا دے نواب سان۔ اوناں چوں دو پراواں نے اپنی جائیداد اپنی تیسرے پراہ دے والے کر کے آپوں درویشی اختیار کر لئی سی تے اودوں بعد نواب جمعہ خان ڈیرہ اسمعیل خان ول ٹُر گئے تے نواب احمد یار خان (جیڑے ڈاکٹر محمد طاہر القادری دے وڈیاں وڈیریاں چوں سان) چنگ صدر چ جا کے آباد او گئے۔

انتظامی کم کار[لکھو]

  • 1974ء توں 1975ء - لیکچرار اسلامک سٹڈیز، گورنمنٹ کالج عیسی خیل، میانوالی
  • 1976ء توں 1978ء - ایڈووکیٹ، ڈسٹرکٹ کورٹ، چنگ
  • 1978ء - رکن سنڈیکٹ، پنجاب یونیورسٹی
  • 1978ء - مشیر فقہ وفاقی شرعی عدالت، پاکستان
  • 1978ء - مشیر سپریم کورٹ آف پاکستان
  • 1978ء - ماہر قومی کمیٹی برائے نصابات اسلامی
  • 1978ء توں 1983ء - لیکچرار اسلامک لاء، پنجاب یونیورسٹی لاء کالج، لاہور
  • 1983ء توں 1988ء - وزٹنگ پروفیسر و سربراہ شعبہ اسلامی قانون (برائے ایل ایل ایم کلاسز)، پنجاب یونیورسٹی لاء کالج، لاہور
  • 1986ء توں ہون تک- پرو چانسلر / چیئرمین بورڈ آف گورنرز، منہاج یونیورسٹی، لاہور

پرکھ[لکھو]

  • ایناں دے کجھ مسلکی مخالفین ایناں نو امت مسلمہ لئی فتنہ کیندے نیں ۔ مخالفاں دی نظر چ اے سیاسی طور سے مفاد پرست ثابت اوئے نیں ۔ جنرل پرویز مشرف دا راج لین لئی ساتھ دتا پر اودی دال ناں گلی۔
  • نواز کھرل نے ایناں دے خلاف اردو زبان چ اک کتاب وی لکھی اے جدا ناں متنازعہ ترین شخصیت اے۔
  • کجھ مسلمان علماءایناں دی طرفوں موسیقی نوں اسلام چ جائز کہن دی وجہ توں وی ایناں دی مخالفت کردے نیں۔ [7]
  • مسلماناں نو کٹھیاں کرن دیاں کوششاں تے شیعہ علماء دے نال چنگے تعلقات بناؤن دی وجہ توں وی کجھ مذہبی گروواں ولوں ایناں دی مخالفت کیتی جاندی اے۔[8]

لانگ مارچ[لکھو]

طاہر القادری دے چناؤ وچ چنگے لوک لیان لئی چناؤ وچ ایسی تبدیلیاں لیان دی مانک کیتی جیدے نال پاکستان دیاں اسمبلیاں وج چنگے لوک آن۔ ایس لئی اوہناں لوکاں نوں لہور توں اسلام آباد تک لانگ مارج دا سدا دتا۔ ایہ مارچ 13 مارچ نوں لہور توں ٹریا تے 14 تے 15 جنوری دی رات ایہ مارچ اسلام آباد اپڑیا۔ ایہ لانگ مارچ 17 جنوری دی رات نوں مکیا جدوں سرکار نے قادری نال گل بات کیتی تے اک سوں پتر لکھیا۔

اتہ پتہ[لکھو]

  1. ڈاکٹر طاہرالقادری بارے اہم شخصیات دے تاثرات
  2. فرقہ پرستی کا خاتمہ کیونکر ممکن ہے
  3. آل پاکستان مشائخ کانفرنس 2009ء
  4. اسلام....قیام امن کا سب سے بڑا داعی
  5. دہشت گردی کا اسلام اور انسانیت سے کوئی واسطہ نہیں
  6. Prominent Muslim Cleric Denounces bin Laden
  7. اسلام چ موسیقی جائز اے
  8. شیعہ ہون دا الزام خارجی فتنہ اے