خواجہ خورشید انور

وکیپیڈیا توں
جاؤ: پاندھ, کھوج

خواجہ خورشید انور موسیقار فلم بنانوالے لکھاری تے ڈائرکٹر سن ۔ اوہ 21 مارچ 1912 نوں میانوالی چ جمے۔ اوناں دے پیو دا ناں خواجہ فیروزالدین سی جیہڑے وکیل سن تے جناں دا جوڑ مسلم لیگ نال سیی۔ 1928 نوں سنٹرل ماڈل سکول لہور توں میٹرک تے 1935 نوں گورنمنٹ کالج لہور توں ایم اے فلاسفی کیتا۔ 1938 نوں انڈین سول سروس دا نتارا تے کر لیا پر انٹرویو چ فیل کر دتا گیا۔ 1938 نوں آل انڈیا ریڈیو چ نوکری کرلی۔ اوناں نوں موسیقی نال لگاؤ سی تے اوناں نیں دیپک تے پعاڑی تعناں بنایاں۔

فلم[لکھو]

1940 چ اوناں نے نوکری چھڑ دتی تے ممبئی فلمی دنیا چ آ گۓ تے اوناں دی پہلی فلم اک پنجابی فلم سی کڑمائی۔ ممبئی چ اوناں نے ہور وی فلماں دی موسیقی بنائی۔ 1953 چ اوہ پاکستان آ گۓ اوناں دی پہلی فلم انتظار سی۔ ایدے سارے گانے ہٹ او گۓ۔ سارے گانے فلم دی ہیروئن نور جہاں نے گاۓ۔ فلم دے ہدایت کار مسعود پرویز سن۔

  • چاند ہنسے دنیا بسے روۓ میرا پیار
  • آگۓ سجن پردیسی بلم پردیسی

1959 چ کوئل فلم آئی جیدا اے گانا بڑا ہٹ ہویا:

رم جم رم جم پڑے پھوار تیرا میرا مت کا پیار۔

1970 چ اوناں دی پنجابی فلم ہیر رانجھا بنی سارے گیت ایس فلم دے مشہور ہوۓ پر سب توں زیادہ ہٹ گانا اے ہویا:

سن ونجلی دی مٹھری تان وے میں تاں ہو ہو گئی قربان

اے گانا اوناں نے صرف دو سازاں ونجلی تے ٹولک نال ریکارڈ کیتا۔ اپنے گانیاں چ اوناں نے ونجلی دا بوتا استعمال کیتا۔

خواجہ خورشید انور نے کل 250 گانیاں دی موسیقی بنائی تے ایناں توں 50 گانے نور جہاں دی آواز چ نے۔ خواجہ خور شید انور نوں خود کوئی ساز بجانا نئیں آندا سی اوہ چپ چپیتے تے تیمے لہجے چ گل بات کردے سی۔ 30 اکتوبر 1944 نوں 72 وریاں دے ہو کے اوہ مر گۓ تے اوناں نوں میانی صاحب لہور چ دبیا گیا۔

ہور پڑھو[لکھو]

بارلے جوڑ[لکھو]

[1]