خواجہ عثمان ہارونی

وکیپیڈیا توں
Jump to navigation Jump to search

خواجہ عثمان ہارونی طریقت تے شریعت دے علوم وچ امام العصر سن تے اپنے وقت دے قطب الاقطاب منے جاندے سن۔

ناں تے نسب[لکھو]

ناں عثمان کنیت ابو النور سی آّ ہارون دے رہنے والے سن ایہ نیشا پور دا اک گاؤں اے جس دی وجہ توں آپ دے ناں دے نال ہارونی لکھیا جاندا اے۔

مرشد دی عنایات[لکھو]

جس دن عثمان ہارونی نوں خرقہ خلافت ملیا تو آپ دے پیرومرشد شریف زندنی نے کلاہ چار ترکی وی آپ دے سر اُتے رکھیا تے فرمایا کہ اس چار ترکی کلاہ توں مراد چار چیزاں نوں ترک کردینا اے:

  1. ۔ ترک دنیا۔
  2. ۔ ترک عقبیٰ۔ یعنی اللہ دی ذات دے سوا کوئی وی مقصود نہ ہونا
  3. ۔ ترک کھانا پینا۔ اس توں مراد گھٹ کھانا تے گھٹ سونا اے۔
  4. ۔ ترک خواہش نفس۔ یعنی جو کچھ نفس کہے اس دے خلاف کیتا جائے۔[1]

آتش پرستاں دی بستی[لکھو]

معین الدین چشتی توں روایت اے کہ اک دن عثمان ہارونی دے ہمراہ دوران سفر اسیں اک ایسی جگہ پہنچے جتھے آتش پرستاں دی بستی سی اوتھے اک آتش کدہ سی جس دی اگ کسے دن وی سرد نہیں ہوئی سی۔ عثمان ہارونی نے لوکاں توں کہیا کہ تسیں لوگ خدا دی پرستش کیوں نہیں کردے جس نے اس اگ نوں پیدا کیتا اے۔ انہاں نے جواب دتا کہ ساڈے مذہب وچ اگ نوں وڈا منیا گیا اے۔ عثمان ہارونی نے فرمایا کیہ تسیں اپنے ہتھ پیر نوں اگ وچ ڈال سکدے ہو۔ انہاں نے کہیا کہ اگ دا کم جلانا اے ایہ کس دی مجال اے کہ اس دے قریب وی جائے۔ ایہ بات سن کرعثمان ہارونی نے اک بچہ جو اک آتش پرست دی گود وچ سی لیا تے بچے سمیت اگ وچ کد گئے تے چار گھنٹے دے بعد باہر آئے۔ نہ تے آپ دا خرقہ اگ توں جلیا تے نہ ای بچے اُتے اگ دا کوئی اثر ہویا۔ آپ دی ایہ کرامت دیکھ کے تمام آتش پرست مسلمان ہو گئے تے آپ دے حلقہ ادارت وچ شامل ہو گئے۔ آپ نے انہاں دے سردار دا ناں عبد اللہ تے اس چھوٹے بچے دا ناں ابراہیم رکھیا۔[2] طریقت تے شریعت دے علوم وچ امام العصر سن انہاں خواجہ حاجی شریف زندنی توں خرقہ خلافت حاصل ہویا۔ جدونکہ خواجہ مودود چشتی توں وی فیضیاب ہوئے آپ دے چار خلفاء سن

وصال[لکھو]

آپ دا وصال 5 شوال 617ھ نوں ہویا اس وقت انکی عمر 91 سال سی[1] آخری وقت وچ مکہ مکرمہ وچ چلے گئے تے جنت المعلیٰ دے قریب دفن ہوئے۔ انہاں دی بارگاہ وچ خواجہ معین الدین چشتی 32 سال رہے۔ 20 سال دی عمر وچ آئے تے 52 سال دی عمر وچ خلافت توں نوازے گئے۔ انہاں ایام وچ اپنے مرشد نے جو ملفوظات فرمائے انہاں انیس الارواح دے ناں توں تحریر کیتا [3]

حوالے[لکھو]

  1. 1.0 1.1 خزینۃ الاصفیاءجلد دوم، غلام سرور لاہوری،صفحہ 57مکتبہ نبویہ لاہور
  2. خزینۃ الاصفیاءجلد دوم، غلام سرور لاہوری،صفحہ 59مکتبہ نبویہ لاہور
  3. بہار چشت ذکر خواجہ عثمان ہارونی