تھال (گیت)

تھال، بالڑیاں کُڑیاں دا پنجابی لوک گیت تے پنجابی لوک کھیل اے۔ جیہڑا تھال کھیل وچ کِھدو (گیند) اچھاݪ کے ٹھپّے لاؤن٘دے ہوئے گایا جان٘دا اے۔ تھال دے گیت وچ کُڑیاں اپݨیاں بھیݨاں بھراواں، ماں باپ دا ذکر کردِیاں نیں۔ ایس گیت دے ہَر بَند دے آخر وچ لفظ "آل مال تھال" ہُندا اے۔

کُھوہ وچ پاݨی 〇 ماں میری راݨی

پیو میرا راجا 〇 ہیٹھ گھوڑا تازہ

چاندی دیاں پَوڑیاں 〇 سونے دا دروازہ

آل مال ہویا تھال

۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔

تھال تھال تھال

ماں میری دے لمے وال

پیو میرا شاہوکار

شاہوکار نے باغ لوایا

اندروں پاݨی رڑھدا آیا

رڑھ رڑھ پاݨیاں

سرمے دانیاں

کجل پاواں

پاواں پھلّ گلاب دا

بھابی میری زلفاں والی

ویر میرا سردار

آل مال ہویا بی بی پہلا تھال