ثلاثی

ثلاثی، شاعری دی اک صنف اے جس وچ تن مصرعے ہُندے نیں۔ ایس صنف وچ بحر تے قافیے دی پابندی نئیں ہُندی۔ کِسے وی بحر تے قافیے وچ ثلاثی لِکھی جا سکدی اے۔ جاپانی صنفِ شعر "ہائیکو" ثلاثی ناݪ مماثلت رکھدا اے، لیکن ہائیکو وچ کچھ بندشاں یا پابن٘دیاں نیں کہ اوہ اک ہی وزن یا بحر وچ کہے جان٘دے نیں تے ثلاثی کِسے وی بحر وچ کہی جا سکدی اے۔

ثلاثی - حمایت علی شاعر

تھلّے دِتیاں گئیاں تن اردو ثلاثیاں "فنون" لاہور، اشاعت خاص نمبر 2، جولائی 1963ء نُوں حمایت علی شاعر دے ایس نوٹ دے ناݪ شائع ہوئیاں۔

"تن مصرعیاں دیاں نظماں لئی مَیں اک نواں ناں "تثلیث" (مثلث دی رعایت ناݪ) تجوِیز کیتا سی لیکن مدیرانِ "فنون" احمد ندیم قاسمی تے حبیب اشعر دہلوی دے مشورے دی رَوشنی وچ ایہدا ناں "ثلاثی" مُنتخب کیتا"۔ (حمایت علی شاعر)

ایس تحرِیر توں ایہ ثابت ہُندا اے کہ حمایت علی شاعر صنفِ ثلاثی دے موجد نیں۔

شاعر
ہر موجِ بحر میں کئی طوفاں ہیں مشتعل
پھر بھی رواں ہوں ساحلِ بے نام کی طرف
لفظوں کی کشتیوں میں سجائے متاعِ دل

اِنتباہ
کہہ دو یہ ہوا سے کہ وہ یہ بات نہ بھُولے
جَم جائیں تو بن جاتے ہیں اک کوہِ گراں بھی
ویرانوں میں اُڑتے ہوئے خاموش بگُولے

اِرتقاء
یہ اوج ، بے فراز ہے آوارہ بادلو
کونپل نے سر اُٹھا کے بڑے فخر سے کہا
پاؤں زمیں میں گاڑ کے سُوئے فلک چلو