اعجاز انور

اعجاز انور
جمن تھاں	{{{جمن تھاں}}}
جمن نی تاریخ	{{{جمن نی تاریخ}}}
دیس	پاکستان
ناگرکتا	{{{ناگرکتا}}}
کم	مصوری
سال سرگرم	{{{سال سرگرم}}}
گن	لہور دیاں پرانیاں عمارتاں دی پانی رنگ چ مصوری

اعجاز انور پاکستان دا اک مشہور پینٹر اے۔ اوہ لدھیانہ چ 1946 جمے۔ اوناں دے ابا جی انور علی کارٹونسٹ سن اعجاز نے اپنیاں تصویراں وچ لہور دیاں پرانیاں عمارتاں تے رہتل نوں وکھایا اے۔ اوہدے کم تے اوہنوں پاکستانی سرکار ولوں سوہنے کم دا ٹکا (Pride of Performance) دتا گیا اے۔ اجکل اوہ ہاؤس آف ننھا دے ناں نال اک میوزیم رائیونڈ کول بنارۓ نیں۔

جم پل

اعجاز انور پاکستان بنن توں پہلے 1946 نوں چڑھدے پنجاب دے شہر لدھیانہ وچ جمیا۔ پاکستان بنن تے اوہناں دا ٹبر لہور آگے۔ ایتھے انورعلی ہوریں ننھا دے ناں نال پاکستان ٹائمز وچ کارٹون بناندے سن۔ ننھا اعجاز دا ناں سی۔

پڑھائی تے کم

• 1967 چ پنجاب یونیورسٹی توں فائن آرٹس چ پہلی پوزیشن نال سونے دا ٹکہ لے کے ایم اے کیتا۔
• 1970-72 چ اوہ پنجاب یونیورسٹی چ اسلامی فن تعمیر دے لکچرر رۓ۔
• 1978 چ استمبول ترکی چوں اسلامی فن تعمیر چ پی ایچ ڈی کیتی۔
• 1978 وج اوہ یونیسکو ولوں روم، اٹلی وچ تریخی عمارتاں نوں بچانے دے سلسلے چ اک کورس کیتا۔
• 1972-78 ریسرچ سکالر
• 1978-79 سینیئر لکچرر میری ٹراول فائن آرٹس دے سکول، مکیری یونیورسٹی کمپالہ، یوگنڈا۔
• 1980-2006 پروفیسر نیشنل کالج آف آرٹس لہور۔
• 1980-2006 ڈائیریکٹر آرٹ گیلری نیشنل کالج آف آرٹس لہور۔

پرانا لہور

اعجاز انور دیاں مورتاں وچ پرانا لہور وکھایا جاندا اے۔ ایہ لہور شہر دے پرانے حصے تے اے جتھے اونہاں دا بچپن گزریا تے جتھے اوہ وڈے ہوۓ۔ ایہ لہور 1900 توں لے کے 1970 دے ویلے دا لہور اے۔ لہور دیاں عام گلیاں عام گھر تے عام لوک اونہاں دیاں مورتاں وچ دسدے نیں۔ نویں ویلے چ ایہ پرانے گھر مٹدے جارۓ نے پر اعجاز انور نے اپنے مورتاں وچ اونہاں نوں دوبارہ زندہ کر دتا۔

پرانیاں عمارتاں

لہور شہر دیاں پرانیاں عمارتاں اعجاز انور دیاں مورتاں چ ہر جگہ نظر آندیاں نے اونہاں نے مشہور تاریخی عمارتاں نوں اپنیاں مورتاں چ جگہ نئیں دتی بلکہ عام سڑکاں تے عام کراں نوں اپنیاں مورتاں چ وکھایا اے

پتنگ

اونہاں دیاں مور تاں دے آسمان کدے خالی نئیں اوتھے پتنگاں دی بسنت دسدی اے۔ گھراں دیاں چھتاں تے بال پتنگ اڑا رۓ نیں تے کتے کتے کبوتر بیٹھے یا اڈدے دسدے نیں۔

لوک

اعجاز انور دیاں مورتاں عمارتاں دے بارے چ نے لوکاں دے بارے چ نئیں۔ لوک اینہاں مورتاں چ ہے نیں پر اونہاں دی اوہ اہمیت نئیں جیڑی کے عمارتاں دی اے۔ لوک موجود نیں تے اوہ لہور دی پنجابی رہتل دے عام کردار نیں۔ ٹانگے والے، ریڑھیاں والے، سیکل چلان والے، پیدل سارے لوک ہے نیں۔ کھڑکیاں چوں جھاتیاں ماردیاں سوانیاں وی نیں تے کتے کتے بڈے بابے وی گپاں ماردے دسدے نيں۔

اپنے گھر وچ

اپنے کم دے بارے چ اعجاز صاحب کیندے نے "اپنیاں مورتاں چ میں لہور دے اوہ پاسے سامنے لے آیا واں جنہاں دی راکھی ہونی چاہیدی اے۔ میں اچیاں عمارتاں دی جگہ مٹھیائی دیاں دکاناں لے کے آیا واں"۔ اوہ اپنیاں مورتاں چ لوکاں دے بارے چ کیندے نے "لوکاں نوں صرف ایناں عمارتاں نوں زندگی دین آستے بناندا واں۔ لوک میری مورتاں چ خاص نئیں کیونجے اوہ جمدے نے تے فیر جمدے نے جدوں کہ اے عمارتاں اک واری تباہ ہو جان تے فیر ہمیشہ آستے گم ہو جان گئیاں"۔

لہور بچاؤ

اعجاز صاحب لہور دیاں پرانیاں عمارتاں نوں بچان وچ وی لگے ہوۓ نے تے اس واستے اوہ اک سوسائیٹی نال وی جڑے ہوۓ نے جیڑی لہور دیاں پرانیاں عمارتاں نوں بچان دی کوشش کر رئی اے۔ ایہ پرانیاں عمارتاں لہور دا اصل روپ نیں تے اوہ کیندے نے کہ اے اونہاں دا بچپن دا حصہ نے اونہاں دے خیال چ کسے نوں اے حق نئیں پہنچدا کہ اوہ اونہاں کولوں اونہاں دا بجپن کھو لوے۔

اعزاز

اعجاز انور نیشنل آرٹ گیلری اسلام آباد چ

• 1997 چ ڈاکٹر اعجاز انور نوں اونہاں دیاں مورتاں تے کماں تے پاکستان دے صدر ولوں سوہنے کم دا ٹکا دا تمغہ دتا گیا۔
• پرائیڈ آف پنجاب (23 فروری 2018)

نمیشاں

اعجاز انور دیاں مورتاں دیاں نمیشاں لہور، انکرہ، راولپنڈی، اسلام آباد، چندی گڑھ، استمبول، دلی تے لندن چ ہو چکیاں نیں۔

کتاباں

• (2003) Reminiscences of Old Lahore
• نئیں ریساں شہر لہور دیاں (2003)

ہور پڑھو

• سوہنے کم دا ٹکا لین والیاں دا لسٹ

بارلے جوڑ

• رہتل لہور دی
• چوری
• پرانا لہور Archived 2009-12-23 at the وے بیک مشین
• In the House of Nanna Archived 2014-12-03 at the وے بیک مشین

اتہ پتہ