چڑیا گھر، لہور

وکیپیڈیا توں
(لیایا گیا چڑیا کعر، لہور)
Jump to navigation Jump to search

لہور دا چڑیا گھر پاکستان لہور دی مشہور سڑک مال روڈ اتے اے۔ ایہ چڑیا گھر 1872 وچ بنیا ۔ ایتھے جگ دے ہر پاسیوں جانور تے پرندے دکھالے لئی رکھے گئے نیں ۔ ایہ ایشیا دے وڈے چڑیا گھراں وچوں اک اے ۔


تریخ[لکھو]

ایہ چڑیا گھر اک نکے جئے پنجرے توں تریا جیہڑا لال مہندر رام نے چندے دے طور تے دتا سی ۔ ہولی ہولی ایتھے جانور لیائے جاندے رہے تے ایہدا ودھاوا ہندا رہیا ۔ اج ایتھے رنگ برنگی 136 نسلاں دے 1381 جانور، 82 نسلاں دے 996 پرندے، 8 نسلاں دے 49 رِنگن آلے تے 45 نسلاں دے 336 ممالیا نیں ۔ جیہڑے چڑیا گھر آون آلے لوکاں دی توجہ دی تھاں نیں ۔ ایہ چڑیا گھر 1872-1923 تک لہور میونسپل کارپوریشن دے چنڈے تھلے کم کردا رہیا ۔ فیر 1962 تک ایہدا اختیار ڈپٹی کمشنرنوں دے دتا گیا۔ فیر کچھ چر لئی ایہدا انتظام لائیو سٹاک تے ڈیری دے محکمے کول رہیا ۔ اخیر 1962 وچ ایہدا انتظام وائلڈ لائف تے پارکس دے محکمے نوں دے دتا گی ا۔ ایس توں پہلاں ایہدی ترقی وچ کچھ بوہتا کم نئیں ہوئیا پر وائلڈ لائف دے محمکے دے تھلے ایہدی ترقی، ودھاوا، عمارت تے جانوراں دی فلاح بارے کافی کم ہویا تے ہورہیا اے ۔ اج ایہ چڑیا گھر خود مختار ادارا اے ۔ ایتھے اک نباتاتی باغ وی اے ۔ ایہ لہور دی مشہور سڑک مال روڈ اتے واقع اے ۔ ایس کر کے ہر پاسے دے لوک ایتھے سیر کرݨ آوندے نیں ۔ خاص کر ایہ بالاں دی بڑی من پسند تھاں اے ۔ اج کل ایتھے جانوراں دی خوراک، رہائش تے صحت بارے وڈے پیمانے تے کم کیتا جا رہیا اے تے چڑیا گھر دیکھن لئی آون آلے لوکاں دی تفریح دے معیار نوں چنگا بناون لئی وی انتظامات کیتے گئے نیں۔

ہور دیکھو[لکھو]



مورت نگری[لکھو]


باہرلے جوڑ[لکھو]