ڈاکٹر ہرشندر کور

وکیپیڈیا توں
Jump to navigation Jump to search

ڈاکٹر. ہرشندر کور راجندرا میڈیکل ہسپتال پٹیالہ وچ ڈپٹی میڈیکل سپرنٹینڈینٹ ہے۔اوہ مشہور گرمتّ ودوان تے ٹیکاکار پروفیسر صاحب سنگھ دی دوہتی تے پرسدھ ساہتکار، استاد تے کھوجی ودوان پریتم سنگھ دی دھی پتری ہے۔[1] ہرشندر کور اپنی نشکام تے ندھڑک سماج سیوا والی شخصیت تے اپنے پنجابی ساہت وچ وڈملے یوگدان کارن پرسدھ(مشہور) ہے۔

جیون[لکھو]

میڈیکل دی پڑھائی وچ ایم.ڈی. دی ڈگری حاصل کرن اپرنت سرکاری راجندرا ہسپتال ، پٹیالہ وکھے میڈیکل آفیسر دی پدوی تے نوکری کرن لگی۔جس وچ ترقی پا کے اوہ بچیاں دے روگاں دی ماہر (پیڈیئیٹریشیئن) تے پھر ڈپٹی میڈیکل سپرنٹینڈینٹ دے پد تے پہنچی۔

ساہتکار[لکھو]

ہن تکّ اس نے وکھ وکھ وشیاں(موضوعاں) تے 28 پستکاں(کتاباں) لکھیاں ہن۔کجھ پرسدھ پستکاں ہن:

  1. ماں بولی اک ڈاکٹری درشٹیکون (2008) گورمکھی وچ
  2. ماں بولی ڈاکٹری نظرئیے توں (2008) شاہمکھی روپانتر[2]

ایہہ کتاب انگریزی تے اردو وچ وی التھائی جا رہی ہے۔[2]

  1. ڈاکٹر ماسی دیاں کہانیاں۔ اس پستک وچ سریر دے اڈّ اڈّ انگاں دی مہتتا نوں درسایا گیا ہے۔
  2. دل دیاں بیماریاں پبلشر نیشنل بکّ ٹرسٹ۔
  3. فیمیل فوئٹیسائیڈ اے کرس اس کتاب تے اک ہالیوڈّ فلم "روئرنگ سائیلینس" بن چکی ہے تے ڈچّ دستاویزی فلم بن رہی ہے۔[3]

سماج سیوکا[لکھو]

اس دا اصل کم عورتاں تے ہو رہے ظلم روکنا تے خاص کرکے کڑیاں تے بھرون ہتیاواں روکن دی جدوجہد ہے۔ اس دی شروعات 1996 وچ ہوئی جدوں اوہ تے اس دا ڈاکٹر پتی کسے پنڈ وچ مفت ڈاکٹری سہائتا دے سماج سیوا دے کارج وچ گئے۔ اتھے اوہناں اک نوجات بچی نوں کتیاں ولوں نوچدے ہوئے اس دے لہو لہان انگاں نوں ویکھیا۔پنڈ وچوں پتہ لگن تے کہ ایہہ بچی چوتھی دھی پیدا ہون کارن اوہدی ماں ولوں ہی پتی ولوں اپنیاں باقی دھیاں تے اپنے ترسکارے جان دے ڈر کارن کتیاں اگے سٹّ دتی گئی سی،تاں ڈاکٹر ہرشندر دے کومل من نے اس بچی تے بھرون ہتیا ورودھ (خلاف) سنگھرش(جدوجہد) کرن دا بیڑا چکّ لیا۔ اپنی جیب وچوں 52 لڑکیاں دی پڑھائی دا خرچ برداشت کرن دے ارمبھ نال اس نے سماج سیوی سنستھا(تنظیم) ہرش چیریٹیبل ٹرسٹ دا مڈھ بنھیا۔ اس ٹرسٹ دی اوہ جماندرو پردھان ہے۔اس ویلے تکّ ایہہ سنستھا 329 لڑکیاں دی پوری پڑھائی دا خرچ اٹھا چکی ہے۔

امریکہ وکھے پرچے پڑھنا[لکھو]

بھرون ہتیا وچ سماج سیوا دے یوگدان کارن 2008 تے 2010 وچ دو وار امریکہ دی ہیومن رائیٹس کونسل وچ بھارتی پنجاب وچ بھرون ہتیا دے وشے تے اس نوں پرچے پڑھن لئی سدیا گیا۔ امریکہ وکھے ایہہ پرچے اس پنجاب دی مان متی دھی نے پہلی وار پنجابی زبان وچ پڑھے۔ ایہناں پرچیاں کارن اس نوں قومانتری پرسدھی پراپت ہوئی۔

ملکی تے غیرملکی سنمان[لکھو]

مانوتا دی اس علمبردار نوں اپنیاں سیواواں کرکے مان سنمان ملنا سبھاوک ہے۔کجھ سنمان اتھے ورنن کیتے ہن:

  1. 2005 وچ اس دی کتاب دل دیاں بیماریاں نیشنل بکّ ٹرسٹ نوں ماتا گوجری ٹرسٹ تے شہید میموریال سوسائٹی نے سنمان لئی چنیا۔[4]
  2. 2006 وچ پنجاب سرکار ولوں گورنر دا پرمان پتر تے 2008 وچ سکھیا منتری پنجاب سرکار ولوں سنیوکت راشٹر لاڈلی میڈیا سنمان۔ [5]
  3. 2007 وچ ٹاٹا کمپنی ولوں پستک ڈاکٹر ماسی دیاں کہانیاں لئی سرووتم ناری لکھاری (کھیتری بھاشا) دا سنمان۔پنجاب بھاشا وبھاگ دا سرووتم بال ساہت انعام وی اس پستک نوں مل چکا ہے۔[3]
  4. 2009 وچ بابا فرید سوسائٹی ولوں بھگت پورن سنگھ سنمان تے اک لکھ روپئے نقد انعام۔
  5. 2012 وچ امیریکن بائیوگرافیکل انسٹیچؤٹ ولوں “وومین آف 2012” دا خطاب۔ [6]
  6. 2013 وچ اس نوں “نیشنل اکیڈمی آف میڈیکل سائنسز” دا میمبر چن لیا گیا ہے۔[5]

سری متی ڈاکٹر ہرشندر کور اپنے درڑھ ارادے نال وکھ وکھ یادگاری لکچراں راہیں تے ہور کماں راہیں اپنے مشن وچ پوری طرحاں جٹی ہوئی ہے تے سماج وچوں اس برائی تے نشیاں دی برائی جڑوں مٹان لئی کارج شیل ہے۔[7]


حوالے[لکھو]