واصف بڈیانوی 1942ء وچ اندپور موہڑی بھارت وچ پیدا ہوئے۔ونڈ ویلے اوہناں دے ماں پیو نے پاکستان آ کے بڈیانے وچ وسوں اختیار کیتی۔ بڑے مشکل حالات وچ بچپن گزریا۔ غربت تے بھین بھراواں دی پرورش دیاں ذمے داریاں دے باوجود اوہناں اپنا شعری سفر جاری رکھیا۔ بنیادی طور اُتے ان پڑھ سن پر اوہناں پنجابی تے اردو ادب نوں سوا تن سو دے قریب کتاباں دان کیتیاں۔ بناں شک اوہناں وچ بہتیاں کتاباں اٹھاں، سولھاں یاں بتی صٖفحیاں دیاں نیں پر کجھ کتاباں تن سو توں ودھ صفحیاں دیاں وی وچ شامل نیں۔ ایہناں دی حیاتی تے کم بارے ایم فل دی سطح دا کم وی ہو چکیا اے۔
