ڈاکٹر دیوان سنگھ کالےپانی
ڈاکٹر دیوان سنگھ کالےپانی (22 مئی 1897 -13،14 جنوری 1944) دا جم پنڈ گھلوٹیاں خورد ضلع سیالکوٹ (پاکستان) وچ ہویا ۔ اوہناں نوں جاپانیاں نے بڑے ظلم تے اسیہہ تسیہے دے کے انڈیمان (کالاپانی) دی سیلولر جیل وچ شہید کر دتا ۔اوہ فوج وچ ڈاکٹر سن ۔اوہ لوک بھلائی چاہن والے اتے اپنے وچاراں تے اڈگ رہن والے انسان سن ۔اوہناں دا شعری مجموعہ وگدے پانی 1938 وچ چھپیا۔ اوہناں دے دو ہور شعری مجموعہ آخری لہراں اتے ملھیاں دے بیر اوہناں دی موت توں بعد چھپے ہن ۔اوہناں دی سائنسی سوچ، انسانی نفسیات دی سوجھ، لوکاں لئی کجھ کردے رہن دی تانگھ، آزادی لئی تڑپ اتے کتھنی تے کرنی وچ فرق نا ہونا؛ اوہناں دی شاعری نوں خاص بناؤندے ہن ۔
شعری مجموعے
[سودھو]- پنجابی کویتا
- وگدے پانی
- انتم لہراں
- ملھیاں دے بیر
شاعری نمونے
[سودھو]وگدے پانی
پانی وگدے ہی رہن،
کہ وگدے سنہدے نے،
کھڑوندے بسدے نے،
کہ پانی وگدے ہی رہن ۔
جنداں ملیاں ہی رہن،
کہ ملیاں جیندیاں نے،
وچھڑیاں مردیاں نے،
کہ جنداں ملیاں ہی رہن ۔
روحاں اڈدیاں ہی رہن،
ایہہ اڈیاں چڑھدیاں نے،
اٹکیاں ڈگدیاں نے،
کہ روحاں اڈدیاں ہی رہن ۔
تے میں ٹردا ہی رہاں،
کہ ٹریاں ودھدا ہاں،
کھلویاں گھٹنا ہاں،
کہ ہاں، میں ٹردا ہی رہاں ۔